Yongeyeho ko ubu Ukraine yagiye ku bikorwa by’iterabwoba, kandi kubera ibyo, u Burusiya bugiye kongera gutekereza ku bijyanye n’ibiganiro by’amahoro.

Lavrov yavuze ko “izo ndege zose zasenywe n’ubwirinzi bw’Ingabo z’u Burusiya”, ashimangira ko ibi bikorwa bitazihanganirwa na gato, ndetse ko na bo bazabisubiza uko bashoboye.

Lavrov yavuze ko u Burusiya na bwo bwamaze gutegura aho buzagaba ibitero mu buryo bwo kwihimura ku byagabwe na Ukraine.

Yahamije ko icyo gikorwa gishobora kugira ingaruka ku bushake bwo kugerageza gukemura amakimbirane hagati ya Ukraine n’u Burusiya, ariko ntiyatanze ibisobanuro byihariye ku buryo bashobora guhindura intekerezo.

Ati “Ntabwo dushaka kwivana mu biganiro na Leta Zunze Ubumwe za Amerika. Icyakora bijyanye n’imyitwarire y’ubutegetsi bwa Ukraine buri kwitwara nk’igihugu cy’iterabwoba, uruhande rw’u Burusiya muri ibi biganiro ruzongera kurebwaho.”

Minisitiri w’Ububanyi n’Amahanga w’u Burusiya, Sergey Lavrov, yavuze ko Ukraine yagabye ibitero ku rugo rwa Putin