Joe Biden yatumiye Mike Pence mu birori by’irahira rye nyuma y’uko Trump avuze ko atazabyitabira

Yanditswe na Ntabareshya Jean de Dieu
Kuya 9 Mutarama 2021 saa 09:00
Yasuwe :
0 0

Joe Biden witegura kuyobora Amerika muri manda itaha yatumiye uwari Visi Perezida wa Donald Trump, Mike Pence kuzitabira umuhango w’irahira rye nyuma y’uko Trump avuze ko atazawitabira ku wa 20 Mutarama 2021.

Biden yavuze ko icyemezo cya Trump cyo kutitabira irahira rye ari kimwe mu bintu bicye cyane bumva kimwe, avuga ko “yarenze uburyo yamutekerezaga” kandi ko “ari igisebo ku gihugu” ku buryo “atari akwiye kwicara mu Biro bya Perezida wa Amerika”.

Yongeyeho ko kuba Trump atazitabira umuhango w’irahira rye ari ikintu cyiza.

Joseph Robinette Biden Jr. yavuze ko itsinda rye ryamaze gushyikiza ubutumire Mike Pence bwo kuzitabira umuhango w’irahira rye.

Yakomeje ati "Bizaba bihagije mu kugira Umuyobozi Mukuru wa Amerika uri mu irahira ry’uzamusimbura.”

Perezida Donald Trump natitabira irahira rya Biden azaba aciye agahigo ko kuba Perezida wa mbere wa Amerika mu myaka irenga 150 utitabiriye irahira ry’uzamusimbura, kuko byaherukaga kuba kuri Andrew Johnson mu 1869.

Irahira rya Biden ritegerejwe ku wa 20 Mutarama uyu mwaka, ari nabwo uyu mugabo w’imyaka 78 azahita atangira inshingano zo kuyobora Amerika muri manda y’imyaka ine.

Mike Pence yatumiwe mu Muhango w'irahira rya Joe Biden nka Perezida mushya wa Amerika, nyuma y'uko Trump avuze ko atazitabira iryo rahira

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .