Sara Netanyahu, yaciwe n’urukiko amande y’amadolari ya Amerika ibihumbi 43, asaga miliyoni 30 mu mafaranga y’u Rwanda, azira ko yatutse bikomeye umukozi umukorera mu rugo, Meni Naftali.

Ibyo bitutsi ngo byagize ingaruka ku bakozi, kuko byatumye badakora akazi kabo uko bikwiye nk’uko BBC yabitangaje.

Sara Netanyahu yatangaje ko ibimuvugwaho ari ukumubeshyera, kuko ngo abanye neza n’abakozi be.

Ibyo biriyongera ku birego uwo mugore akurikirianyweho na Polisi akekwaho gukoresha amafaranga ya leta mu nyungu ze bwite n’umuryango we.

Kuwa Mbere w’iki cyumweru, Sara Netanyahu yitabye Polisi ku nshuro ya kabiri kugira ngo abazwe ibijyanye n’iryo koreshwa ry’amafaranga ya leta mu buryo buranyije n’amategeko, nyuma yaho ku munsi wa mbere yari yamaze amasaha atandatu asubiza ibibazo bya Polisi ishinzwe gukurikirana ibyaha byakozwe n’abantu bari mu nzego zo hejeru.

Sara Netanyahu, umugore wa Benjamin Netanyahu

Sara Netanyahu, yitaba kuri Polisi