Iraq: Papa Francis arasoreza uruzinduko mu gace kahoze mu maboko ya ISIS

Yanditswe na Mutangana Gaspard
Kuya 7 Werurwe 2021 saa 11:13
Yasuwe :
0 0

Ku munsi wa nyuma w’uruzinduko Umushumba mukuru wa Kiliziya Gatolika ku Isi amaze iminsi agirira muri Iraq, arasura agace kahoze mu maboko y’inyeshyamba za Kisilamu zizwi nka Islamic State (IS).

BBC yanditse ko aka agace gaherereye mu majyaruguru ya Iraq, biteganyijwe ko mu kibuga cy’umupira w’amaguru cyiri mu Mujyi wa Ibril Papa Francis ari busorezemo uru uruzinduko rwe, ari bunahasomere misa yitabirwa n’abantu basaga ibihumbi icumi.

Mu gusoza uruzinduko rwe, arasura, Mosul, umwe mu mijyi ikomeye iri mu majyaruguru ya Iraq. Uyu mujyi wahozemo ibirindiro bikomeye bya IS, arahavugira isengesho asabira abaturage babarirwa mu bihumbi, bahitanywe n’ibitero by’abarwanyi b’Aba-Sunni mu myaka itatu ishize.

Papa kandi biteganyijwe ko asura kiliziya iherereye mu mujyi wa Qaraqosh. Ni kiliziya yangijwe bikomeye n’abarwanyi ba IS, kuko abakirisitu Gatolika bari barahunze uyu mujyi muri 2014 bakaza kuwugarukamo muri 2017 nyuma y’uko inyeshyamba za IS ziwirukanywemo.

Bamwe mu barwanyi bari mu nyeshyamba z’Aba- Shia, batangaje ko batemeranya n’uru ruzinduko, umushumba wa Kiliziya Gatolika ku Isi ari bugirire muri aka gace, aho akomeje kugenda atanga ubutumwa bushishikariza abayobozi n’abaturage kurwanya ibikorwa by’ihohotera, ubugizi bwa nabi n’ubuhezanguni, maze abantu bakabana mu mahoro.

Ubwo Papa Francis yageraga muri Iraq (Ifoto ya Tri States Public Radio)

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .