Trump yarusimbutse kabiri mu mezi ane ashize ubwo hari abantu bashakaga kumurasira mu bikorwa byo kwiyamamaza.

Inzego z’ubutabera za Amerika kuri uyu wa Gatanu zatangaje ko hari umuntu witwa Farhad Shakeri wasabwe na Leta ya Iran kugaragaza umugambi afite wo kwica Trump.

Uwo muntu ngo yari yahawe n’ubundi butumwa bwo kwica abanyamerika n’abanya-Israel imbere muri Amerika.

Umuvugizi wa Minisiteri y’Ububanyi n’Amahanga ya Iran, Esmaeil Baghaei yatangaje ko ibyavuzwe na Amerika ari ibinyoma.

Yavuze ko ari umugambi wa Israel wo gushaka gukomeza kugaragaza Iran nabi mu maso y’amahanga.

Muri Nyakanga Trump yarasiwe mu bikorwa byo kwiyamamaza muri Leta ya Pennsylvania. Icyo gihe yarashwe ugutwi. Ubwa kabiri byabaye muri Nzeri ubwo yari yagiye gukina Golf.