Intambara y’abakire! Musk yabwiye Bill Gates ko “atazi ibyo avuga” ku kuba amakamyo yakoresha amashanyarazi

Yanditswe na Umwali Zhuri
Kuya 13 Nzeri 2020 saa 12:14
Yasuwe :
0 0

Elon Musk yatangaje ko Bill Gates “atazi ibyo avuga” ku bijyanye n’uko imodoka nini z’amakamyo bigoye ko zatangira gukoresha ingufu z’amashanyarazi.

Musk yanditse ayo magambo ku rubuga rwe rwa Twitter, asubiza ikibazo cyari cyabajijwe Gates ku bijyanye n’ikoreshwa ry’amashanyarazi mu binyabiziga. Mu kwezi gushize, Gates yari yavuze ko isi ikwiye gukoresha ingufu zisazura mu modoka mu gihe cya vuba, nubwo kuri we yavugaga bizagorana ku modoka nini ziremereye nk’izitwara imizigo.

Ku rundi ruhande, Tesla iri gushyira ingufu mu gukora imodoka zikoresha amashanyarazi. Gates yavugaga ko imodoka nini zizakoresha uburyo burimo nk’ingufu zikomoka ku bimera. Impamvu ni uko bene izi modoka batiri zazo ari nini kandi zizifasha gukora urugendo rurerure.

Gates yavugaga ko amashanyarazi akora neza mu gihe nk’imodoka iri bukore urugendo ruto, ati “dukeneye igisubizo gitandukanye ku modoka ndende zitwara imizigo”.

Gates ni umukire wa kabiri ku Isi mu gihe Musk ari ku mwanya wa Kane, by’umwihariko umutungo we uturutse mu bikorwa bye byo gukora imodoka zikoresha amashanyarazi warazamutse cyane mu minsi mike ishize.

Elon Musk ni umuherwe wa Kane ku Isi mu gihe Bill Gates ari ku mwanya wa Kabiri

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .