Ingendo zo mu kirere zizasubira uko zahoze mbere ya COVID-19 mu 2024

Yanditswe na Ndahayo Emmanuel
Kuya 5 Kanama 2020 saa 10:30
Yasuwe :
0 0

Icyorezo cya COVID-19 cyagize ingaruka ku bwikorezi bwo mu kirere ndetse bishobora gutwara imyaka ine [ni ukuvuga kugera mu 2024] ngo ingendo zongere gukorwa neza nkuko byahoze mbere y’iyaduka ry’iki cyorezo.

Abashoramari bashyize akayabo k’amafaranga mu bucuruzi bw’ubwikorezi bwo mu kirere bari basanzwe bazi ko Coronavirus yahungabanyije ubucuruzi bwabo cyane kurusha ubundi, gusa amakuru y’uko bizatwara indi myaka ine kugira ngo ingendo zo mu kirere zisubire ku rwego zahozeho mbere y’icyorezo ni inkuru y’incamugongo.

Ishyirahamwe ry’Ibigo bikora ingendo zo mu Kirere (IATA) ryatangaje ko bizatwara indi myaka ine, kugera mu 2024, kugira ngo abantu bongere kwitabira ingendo zo mu kirere nk’uko byahoze mbere ya Coronavirus.

IATA igizwe n’ibigo by’indege 290, ivuga ko impamvu zizabitera ari uko bizatwara igihe kugira ngo abantu bongere gutinyuka gutemberera mu bindi bice.

Kuba kandi ubucuruzi mpuzamahanga bwaraguye na byo ni indi mbogamizi mu gihe igihirahiro cyatewe na Coronavirus na cyo ari ikibazo gikomeye.

Ibigo byinshi nka Virgin Atlantic biri mu nzira zo guhindura imikorere, kuko bitagenze gutyo byaseswa. Ibigo binini kandi byatangiye gufunga ibindi bito byari bibishamikiyeho, mu gihe indege nyinshi zigiparitse.

N’ubwo ibigo by’indege byinshi byashyizeho ingamba zo gutandukanya abagenzi mu rwego rwo kwirinda ikwirakwira rya Coronavirus, umubare w’abitabira ingendo wo ukomeje kuba muto cyane.

Abakozi barenga miliyoni 25 bakora mu bikorwa bifite aho bihuriye n’indege nko kuzikanika, gucuruza amatike yazo, gukora ku bibuga by’indege n’abandi nk’abo, bazabura akazi bitewe n’igabanuka ry’ingendo z’indege ku Isi.

Virgin Atlantic iri mu nzira zo guhindura imikorere mu guhangana n'ingaruka za Coronavirus

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .