Ingamba za Hillary Clinton ku butabera bw’Amerika bwazahaye

Yanditswe na

Cyprien Niyomwungeri

Kuya 6 Ugushyingo 2015 saa 11:00
Yasuwe :
0 0

Umukandida ku mwanya wa Perezida wa Leta Zunze Ubumwe z’Amerika (USA), Hillary Clinton yagaragaje ko ubutabera bw’iki gihugu bwazahaye, ariko ko afite ingamba zo kubusubiza ku murongo.

Hillary avuga ko USA ari cyo gihugu gifite igipimo kinini cy’abantu bafunze ku isi. Iki gihugu gifite abaturage batagera kuri 5% by’abatuye isi, ariko ni cyo gifite hafi 25% by’abantu bafunze ku isi yose.

Hillary Clinton abona ko iki ari ikimenyetso cyo kuzahara k’ubutabera bwa USA, agasanga ingamba eshatu zabuzahura.

Icya mbere Clinton abona nk’umuti ni ukurandura irondaruhu riri muri Amerika. Hillary Clinton avuga ko Abanyafurika bahindutse Abanyamerika n’abakomoka mu bihugu byo muri Amerika y’Epfo ari bo bafatwa cyangwa bagashakishwa na polisi kurusha abazungu b’Abanyamerika.

Akomeza avuga ko abashoferi b’abirabura 31% bahagarikwa na polisi iyo batwaye ibinyabiziga, abakubye aba kabiri bagashakishwa na polisi, naho abajya kungana n’abashakishwa na polisi bagashakishwa ku maherere.

Akomeza avuga ko mu mategeko iri vangura ritemewe, ariko uko akurikizwa bihabanye nayo.

Icya Kabiri, Clinton asanga cyavugutirwa umuti ni ibihano bihabwa abafatanywe ibiyobyabwenge bya Cocaine. Mu mategeko ahana muri Amerika, uwafatanywe ikiro kimwe cya cocaine itarahinduka ifu ahanwa kimwe n’uwafatanywe ibiro 18 by’ifu ya Cocaine.

Itandukaniro rihari ni uko Abanyafurika b’Abanyamerika baza ku mwanya wa mbere mu bakoresha bakanacuruza cocaine itarahinduka ifu, naho abazungu bagakoresha iyahindutse ifu.

Uku gutandukana gutuma Abanyafurika b’Abanyamerika ari bo bafungwa cyane kurusha abazungu. Abasaga 80% by’abagera ku bihumbi 30 bifungiye cocaine ni Abanyafurika b’Abanyamerika.

Icya gatatu ni ikijyanye no guhanagura ubusembwa ku bafunguwe. Hillary Clinton avuga ko buri mwaka abagera ku bihumbi 600 bafungurwa bakagaruka muri sosiyete. Abagera kuri 60% byabo ntibapfa kubona akazi kuko abakoresha bashyiraho amabwiriza yo guha akazi abatarafunzwe batitaye ku bushobozi bafite.

Nibura kimwe cya kabiri cy’abemererwa gukora ikizamini cyo kuvuga, dosiye zabo zikurwamo kuko bafunzwe kandi abenshi ni Abanyafurika b’Abanyamerika.

Abazungu batagira amahirwe yo gukora ikizamini cy’akazi kuko bafunzwe bari munsi ya 30% by’ababa bagasabye, mu gihe Abanyafurika b’Abanyamerika bajya kungana na 60%.

Hakuweho amabwiriza areba niba umuntu yarafunzwe mbere yo guhabwa akazi, Abanyamerika bangana na miliyoni 65 bigeze gufungwa bagira amahirwe yo kongera kubona imirimo.

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza