Uyu muriro waturutse mu mashini itunganya umwuka wa Oxygen wibasiye ibi bitaro kuri uyu wa 15 Ugushyingo 2024, ufata igice kivurirwamo impinja mbere yo gukomereza mu bindi bice.

Ibinyamakuru byo mu Buhinde byatangaje ko abaganga bagerageje gutabara abarwayi, bashobora kurokora impinja 35, barimo 16 bakomeretse.

Nk’uko byasobanuwe n’abaganga, impinja zapfuye zishwe n’umwotsi winjiye mu myanya y’ubuhumekero no gutwikwa n’umuriro.

Umuyobozi Mukuru w’ibi bitaro, Dr Vivek Kumar, yatangaje ko nyuma y’aho iyi mpanuka ibaye, bagiye gukaza umutekano w’abarwayi. Ati “Tubabajwe bikomeye n’ibi byago kandi twiteguye gukaza umutekano w’abarwayi.”

Minisitiri w’Intebe w’u Buhinde, Narendra Modi, yihanganishije imiryango yaburiye abayo muri ibi byago, ayizeza ubufasha bwa guverinoma.

Ibikoresho byo muri ibi bitaro byahiye