Itangazo ryo kwegura kw’iyi guverinoma ryasomwe na minisitiri w’intebe Hassan Diab kuri televiziyo y’igihugu mu ijoro ryo ku wa 10 Kanama.

Minisitiri w’intebe Diab yagize ati “Uyu munsi ndatangaza ukwegura kw’iyi guverinoma. Imana irinde Liban”

Muri iri jambo Diab yakomeje agira Ati “iki cyaha cyatewe na ruswa ifite imbaraga kurusha igihugu”.

Diab yavuze ko “bahisemo kwegura kugira ngo bifatanye n’abaturage mu kurwana urugamba rwo kuzana impinduka”

Ubu bwegure bwa Guverinoma bwemejwe na Perezida w’iki gihugu Michel Aoun ariko asaba ko yakomeza gukora inshingano zayo kugeza igihe hazashyirirwaho indi.

Iri turika ryabaye ku cyambu cya Beirut ritewe n’ikinyabutabire cya Ammonium cyari kibitse nabi ryaguyemo abagera kuri 200 mu gihe abarenga 6000 bahakomerekeye.

Minisitiri w'intebe wa Liban,Hassan Diab yatangaje ko guverinoma yeguye kugira ngo ifatanye n'abaturage mu kuzana impinduka