00:00:00 IGIHE NETWORK KN KINYARWANDA EN ENGLISH FR FRANCAIS

Gushyiraho Ambasaderi mushya w’u Bwongereza muri Amerika byasubitswe

Yanditswe na Ayera Belyne
Kuya 10 June 2024 saa 12:50
Yasuwe :

Icyemezo cyo gushyiraho Ambasaderi mushya w’u Bwongereza muri Leta Zunze Ubumwe za Amerika cyasubitswe kubera amabwiriza abuza gufata ibyemezo bikomeye mbere y’amatora bizwi nka “Purdah.”

Minisitiri w’Intebe w’u Bwongereza,Rish Sunak, yari yagennye Tim Barrow usanzwe ari umujyanama we mu by’umutekano, ngo abe Ambasaderi i Washington D.C.

Abo mu ishyaka rya Labour ritavuga rumwe na guverinoma ntibigeze bemera iki cyemezo. Basobanuye ko icyo Sunak ashaka ari ukwihutisha gahunda ze mbere y’uko amatora aba kandi atari ko amabwiriza abiteganya.

Amabwiriza ya “Purdah” avuga ko gushyira abayobozi mu myanya ikomeye ari ibyemezo bifatwa nyuma y’amatora nubwo uwagenwe yaba yamaze kubyemera.

Ubuyobozi bwa Labour bwasobanuye ko bwagejeje ku Biro by’Ububanyi n’Amahanga impungenge ku igenwa rya Tim kuri uyu mwanya, cyane ko byari byarabusezeranyije ko icyemezo nk’iki kitazafatwa mbere y’amatora.

Umuyobozi Mukuru wa Labour, Keir Starmer, yateguje ko mu gihe yatsinda amatora, agasimbura Sunak ku mwanya wa Minisitiri w’Intebe ashobora kuzagena utari Tim ku mwanya wa Ambasaderi w’u Bwongereza muri Amerika.

Ambasaderi w’u Bwongereza uriho ubu, Dame Karen Pierce, yatangaje ko ashobora kuguma kuri izi nshingano kugeza mu ntangiriro za 2025 nyuma yo kongezwa amezi 12.

Tim Barrow asanzwe ari umujyanama wa Sunak mu by'umutekano

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .