Urwego rushinzwe umutekano wo mu muhanda muri Amerika rwatangaje ko icyo kibazo gituruka ku nenge iri mu ikoranabuhanga rihuza moteri n’imikorere yo guhagarika imodoka, ibishobora gutuma yikura muri parikingi.

Iki cyemezo kireba imodoka zitandukanye zirimo Ford Expedition na Lincoln Navigator (2018–2021), Ford Explorer na Lincoln Aviator (2020–2021), ndetse na Ford F-150 yo mu 2021.

Ford yavuze ko igiye gukemura icyo kibazo binyuze mu kuvugurura porogaramu (software update), ndetse no gusuzuma ibice byangiritse ku buntu, bishobora no gusimbuzwa aho bibaye ngombwa.

Uretse izo modoka, uruganda rwa Ford rwanatangaje ko rugiye gusubiramo imodoka 36.046 zo mu bwoko bwa Bronco, kubera ikibazo cy’ibice byo ku mapine bizwi nka fender flares bishobora kudafatana neza bikagwa mu muhanda, bigateza ibyago by’impanuka.