00:00:00 IGIHE NETWORK KN KINYARWANDA EN ENGLISH FR FRANCAIS

EU yemereye Ukraine inkunga ya miliyari y’amadolari

Yanditswe na Bukuru JC
Kuya 13 July 2022 saa 01:54
Yasuwe :

Komisiyo y’Umuryango w’Ubumwe bw’u Burayi (EU) yemeye guha Ukraine inkunga ya miliyari 1 y’amadolari azafasha icyo gihugu kimaze amezi atanu mu ntambara n’u Burusiya.

Hatangajwe ko ari amafaranga azatangwa nk’inguzanyo yiyongera kuri miliyari 1.2 z’amadolari yatanzwe muri Gashyantare uyu mwaka.

Ni amafaranga EU ivuga ko azafasha Ukraine gukemura ibibazo by’ingenzi biyugarije no kubaka ibikorwa remezo by’ingenzi dore ko ibyinshi byasenywe n’intambara.

Minisitiri w’Intebe wa Ukraine, Denys Shmyhal na we yatangaje ko na Leta Zunze Ubumwe za Amerika zamaze kuboherereza inkunga itishyurwa ya miliyari 1.7 z’amadolari.

Ayo mafaranga azifashishwa mu kwishyura abakora mu rwego rw’ubuvuzi n’abandi bakora mu nzego z’ingenzi cyane.

Nubwo ayo mafaranga yatanzwe, EU iracyari kwiga kuri miliyari 9 z’amadolari Ukraine yasabye nk’inguzanyo y’igihe kirekire kugira ngo ibashe kwiyubaka. Hari ibihugu bimwe bifite impungenge ku gutanga iyo nguzanyo ku gihugu kimaze gusenyuka nka Ukraine.

Guverinoma ya Ukraine iherutse gutangaza ko kongera kwiyubaka nyuma y’intambara bizaba miliyari 750 z’amadolari.

Komisiyo ya EU yemeje miliyari y'amadolari nk'inguzanyo yo guha Ukraine

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .