Espagne: Abishwe na Coronavirus barenze ibihumbi 20

Yanditswe na Twarabanye Venuste
Kuya 18 Mata 2020 saa 06:01
Yasuwe :
0 0

Minisiteri y’ubuzima muri Epagne yatangaje ko kuri uyu wa Gatandatu abishwe na Covid-19 bamaze kurenga 20 000 nyuma yo kwiyongeraho abagera kuri 565 mu masaha 24.

Imibare y’icyo gihugu irerekana ko abamaze gupfa bagera ku 20 043, kuri uyu wa 18 Mata 2020, barimo 565 bapfuye mu masaha 24 ashize. Cyakora uwo mubare ntabwo warenze uwatangajwe mu masaha 24 ku wa Gatanu kuko bari 585.

Espagne ni kimwe mu bihugu byakozweho na Covid-19. Umubare w’abagaragayeho icyo cyorezo ugeze ku 191 726 cyakora Minisiteri y’Ubuzima yavuze ko ubwandu bwagabanyutse mu minsi ishize. Umubare w’abayikize ni 75 000.

Icyo nicyo gihugu kimaze kugira impfu nyinshi nyuma ya Leta Zunze Ubumwe za Amerika zifite abantu 37,175 bamaze kwicwa na coronavirus n’u Butaliyani bufite 22,745.

Hakurikiraho u Bufaransa bumaze gupfusha 18 681 ku mwanya wa Kane bukurikirwa n’u Bwongereza bufite 15 464.

Espagne ni kimwe bihugu by’i Burayi bigize igice cya Schengen cyatangaje ko icyorezo ni kigenza make umuntu uzajya ashaka kwinjira mu bihugu bikigize, mu byangombwa azajya asabwa harimo kwerekana niba yaripimishije coronavirus, urukingo rwaboneka akazajya asabwa kuba yikingije.

Muri Espagne imibare y'abamaze kwicwa na Coronavirus yarenze ibihumbi 20

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .