COVID-19 ku wa 27 Gicurasi: Abamaze gupfa muri USA barenze ibihumbi 100

Yanditswe na Habimana James
Kuya 27 Gicurasi 2020 saa 10:44
Yasuwe :
0 0

Ishami ry’Umuryango w’Abibumbye ryita ku buzima, OMS, ryagaragaje ko kuva icyorezo cya coronavirus kigeze muri Leta Zunze Ubumwe za Amerika, abamaze gupfa ari 100 572, nyuma y’uko kuri uyu wa Kabiri iki gihugu cyapfushije abantu 774.

Kugeza ubu abantu miliyoni 5.6 nibo bamaze kwandura ku Isi, abandi ibihumbi 352 bamaze gupfa naho miliyoni 2.4 bamaze gukira.

Brésil nicyo gihugu cyugarijwe cyane ku Isi kuko kuri uyu wa Kabiri cyapfushije abantu 1 027 abandi barenga ibihumbi 15 barandura.

Kugeza ubu Leta Zunze Ubumwe za Amerika nizo zifite abanduye benshi na miliyoni 1.7, ikanaza imbere mu kugira abamaze gupfa benshi ku Isi. Brésil iri ku mwanya wa kabiri mu banduye kuko ari ibihumbi 394, mu gihe hamaze gupfa ibihumbi 24.5.

U Burusiya buza ku mwanya wa gatatu kuko bufite abanduye ibihumbi 362, hamaze gupfa abarenga 3 800, muri Espagne handuye ibihumbi 283 hamaze gupfa ibihumbi 27, naho mu Bwongereza handuye ibihumbi 265, hamaze gupfa ibihumbi 37.

Ku mugabane wa Afurika wose hamaze kugaragara abantu ibihumbi 121 banduye Coronavirus, abamaze gupfa basaga 3 600 naho abakize ni ibihumbi 49.9.

Afurika y’Epfo iri imbere mu kugira abafite ubwandu benshi kuko ari ibihumbi 24.2, abamaze gupfa ni 524, ikurikirwa na Misiri ubu ifite abamaze gupfa benshi kuri uyu mugabane, kuko bageze kuri 797 naho abamaze kwandura ni 18 756.

Muri Afurika y’Iburasirazuba, kugeza ubu igihugu kiza imbere mu bwandu ni Kenya kuko hamaze kwandura abantu 1 348, hapfuye 52.

U Rwanda rufite abanduye 339, abamaze gukira ni 244, muri Uganda ubu hari abanduye 253, mu Burundi handuye abantu 42 hapfa umwe naho muri Sudani y’Epfo hamaze kwandura abantu 806, hamaze gupfa umunani.

Mu bihugu bihana imbibi n’u Rwanda Repubulika Iharanira Demokarasi ya Congo niyo yibasiwe cyane, kuko ifite abanduye 2 403 barimo 68 bamaze gupfa.

Amerika yabaye igihugu cya mbere gipfushije abantu ibihumbi 100

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .