COVID-19 ku wa 2 Kamena: Habonetse ubwandu bushya ibihumbi 100, muri Espagne ntawapfuye

Yanditswe na Habimana James
Kuya 2 Kamena 2020 saa 11:56
Yasuwe :
0 0

Ishami ry’Umuryango w’Abibumbye ryita ku Buzima, OMS, ryatangaje ko ku wa Mbere habonetse ubwandu bushya bwa coronavirus ibihumbi birenga 100 ku Isi, ariko ku nshuro ya mbere mu mezi atatu, igihugu cya Espagne nticyagize umuntu n’umwe wapfuye azize iyo ndwara.

OMS ivuga ko kugeza ubu abamaze kwandura Coronavirus ku Isi ari miliyoni 6.3 barimo ibihumbi 377.5 bamaze gupfa, mu gihe miliyoni 2.92 bamaze gukira.

Kuri uru uyu wa Mbere abapfuye muri Leta Zunze Ubumwe za Amerika ni 730 mu gihe abandi barenga ibihumbi 22 banduye coronavirus. Ibi byatumye abamaze gupfa muri iki gihugu baba 106 925 mu gihe abandi 1 859 361 bamaze kwandura.

Nyuma y’amezi atatu igihugu cya Espagne cyugarijwe na Coronavirus, kuri uyu wa Mbere inzego z’ubuzima muri iki gihugu zatangaje nta muntu wishwe n’iki cyorezo.

Leta Zunze Ubumwe za Amerika zikomeje kugira abanduye benshi, zinaza imbere mu kugira abamaze gupfa benshi ku Isi. Brésil iri ku mwanya wa kabiri mu banduye kuko ari 529 405, mu gihe hamaze gupfa 30 046.

U Burusiya buza ku mwanya wa gatatu kuko bufite abanduye 414 878, hamaze gupfa 4 855, muri Espagne handuye 286 718 hamaze gupfa 27 127, naho mu Bwongereza handuye 276 332, hamaze gupfa 39 045.

Ku mugabane wa Afurika wose hamaze kugaragara abantu 154 907 banduye Coronavirus, abamaze gupfa ni 4 369 naho abakize ni 65 931.

Afurika y’Epfo iri imbere mu kugira abafite ubwandu benshi kuko ari 34 357, abamaze gupfa ni 705, ikurikirwa na Misiri ubu ifite abamaze gupfa benshi kuri uyu mugabane kuko bageze kuri 1 005 naho abamaze kwandura ni 26 384.

Muri Afurika y’Iburasirazuba, Kenya nicyo gihugu cyugarijwe cyane kuko hamaze kwandura abantu 2 021 , hapfuye 69.

U Rwanda rufite abanduye 377, hamaze gupfa umuntu umwe ariko hamaze gukira abandi 262; muri Uganda hari abanduye 457, Tanzania ifite abanduye 509 hamaze gupfa 21, mu Burundi handuye abantu 63 hapfa umwe naho muri Sudani y’Epfo hamaze kwandura abantu 994, hamaze gupfa 10.

Mu bihugu bihana imbibi n’u Rwanda, Repubulika Iharanira Demokarasi ya Congo niyo yibasiwe cyane, kuko ubu ifite abanduye 3 195 barimo 72 bamaze gupfa.

Ku nshuro ya mbere muri Espagne nta muntu wishwe na Coronavirus uhereye mu mezi atatu ashize

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .