Muri Leta Zunze Ubumwe za Amerika honyine handuye abantu 47 341 abandi 663 barapfa, naho muri Brésil handuye 46 907 abandi 10 55 barapfa.

Ku rwego rw’Isi hamaze kwandura abantu 9 910 135 abandi 496 991 bamaze gupfa.

Leta Zunze Ubumwe za Amerika nicyo gihugu gikomeje kuza imbere mu kugira ubwandu bwinshi bwa Coronavirus kuko bungana na 2 552 956 harimo abantu 127 640 bapfuye, Brésil ni iya kabiri ifite abanduye 1 280 054 abamaze gupfa ni 56 109, ku mwanya wa gatatu hari u Burusiya bufite abanduye 620 794 barimo 8 781 bapfuye.

Muri Afurika, abamaze kwandura Coronavirus ni 362 616 naho 9 317 bamaze gupfa.

Afurika y’Epfo ni iya mbere mu kugira abanduye benshi kuko ari 124 590 barimo 2 340 bapfuye, Misiri hamaze kwandura abantu 62 755 barimo 2 620 bapfuye.

Muri Afurika y’Iburasirazuba, Kenya ifite abantu 5 533 banduye barimo 137 bapfuye, Uganda abantu 833 nibo bamaze kwandura, u Rwanda rufite abanduye 858 harimo babiri bapfuye, Tanzania handuye 509 barimo 21 bapfuye, mu Burundi handuye 144 hamaze gupfa umwe naho muri Sudani y’Epfo handuye 1 942 hamaze gupfa 36.

Mu bihugu bituranye n’u Rwanda, Repubulika Iharanira Demokarasi ya Congo ubu niyo yibasiwe cyane, abamaze kwandura ni 6 552 naho abamaze gupfa ni 149.

Mu munsi umwe handuye abantu barenga ibihumbi 193