Coronavirus: Abanduye umunsi umwe barenze ibihumbi 142 ku Isi yose

Yanditswe na Habimana James
Kuya 13 Kamena 2020 saa 09:00
Yasuwe :
0 0

Ishami ry’Umuryango w’Abibumbye ryita ku Buzima, OMS, riratangaza ko ubwandu bushya bwa coronavirus ku Isi bukomeje kwiyongera, kuri uyu wa Gatanu habonetse abanduye bashya 142 304.

OMS igaragaza ko ubwandu bukomeje kwiyongera, kuko nko ku wa Gatatu abanduye bari 136 547, naho kuwa Kane bari 137 786.

Abahitanwe na coronavirus ku wa Gatanu ni 4480.

OMS itangaza ko kuba ibihugu hirya no hino ku Isi bikomeje koroshya gahunda zo kwirinda iki cyorezo, ariyo mpamvu nyamukuru y’uku kwiyongere kw’abandura.

Brésil iracyari mu bihugu byugarijwe cyane na coronavirus ku Isi, kuri uyu wa Gatanu hagaragaye ubwandu bushya 24 253 mu gihe abapfuye ari 843.

Leta Zunze Ubumwe za Amerika zo zapfushije abantu 791 mu gihe abanduye ari 27 221 .

Ku rwego rw’Isi, OMS ivuga ko abamaze kwandura ari 7 740 505, abamaze gupfa ni 428 346 mu gihe abamaze gukira ari 3 966 582.

Leta Zunze Ubumwe za Amerika nizo zikomeje kuza imbere mu kugira umubare w’abanduye n’abamaze gupfa benshi, abanduye ni 2 116 922, abamaze gupfa bo ni 116 825. Brésil iza ku mwanya wa Kabiri aho ifite abanduye 829 902 naho abamaze gupfa ni 41 901, u Burusiya buza ku mwanya wa Gatatu kuko bufite abanduye 511 423, hamaze gupfa 6 715.

U Buhinde buri ku mwanya wa kane kuko hamaze kwandura 309 603, hamaze gupfa 8 890. Mu Bwongereza handuye 292 950 hamaze gupfa 41 481.

Ku mugabane wa Afurika hamaze kugaragara abantu 227 609 banduye Coronavirus, abamaze gupfa ni 6 080 naho abakize ni 105 092.

Afurika y’Epfo iri imbere mu kugira abafite ubwandu benshi kuko bageze ku 61 927, abamaze gupfa ni 1 354, ikurikirwa na Misiri ubu ifite abamaze gupfa benshi kuri uyu mugabane kuko bageze kuri 1 422 naho abamaze kwandura ni 41 303.

Muri Afurika y’Iburasirazuba, Kenya ni cyo gihugu cyugarijwe cyane kuko hamaze kwandura abantu 3 305, hapfuye 96.

U Rwanda rufite abanduye 510, hamaze gupfa abantu babiri ariko hamaze gukira abandi 321, muri Uganda hari abanduye 686, Tanzania ifite abanduye 509 hamaze gupfa 21, mu Burundi handuye abantu 85 hapfa umwe naho muri Sudan y’Epfo hamaze kwandura abantu 1 670, hamaze gupfa 24.

Mu bihugu bihana imbibi n’u Rwanda, Repubulika Iharanira Demokarasi ya Congo niyo yibasiwe cyane, kuko ubu ifite abanduye 4 637 barimo 101 bamaze gupfa.

Abandura Coronavirus bakomeje kwiyongera kubera koroshya ingamba zo kuyirinda

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .