Mu cyumweru gishize, nibwo Trump yafashe umwanzuro utunguranye wo kwirukana Comey muri FBI. Mu mpamvu yatanze harimo ko atari agifite ubushobozi bwo kubahiriza inshingano ze uko bikwiye.

Uretse kumushinja ko atari agishoboye, byanavuzwe ko yaba amuhoye gukomeza gucukumbura uruhare u Burusiya bwagize mu matora aheruka.

Ku wa Gatatu w’iki cyumweru nibwo Comey yasabwe kuzatanga ubuhamya imbere ya komite yashyizweho n’abasenateri. Ni ubuhamya azatangira mu muhezo.

Umuyobozi Mukuru w’iyo komite, Senateri Richard Burr, yatangaje ko yizeye ko ubuhamya bwa Comey buzavanaho urwikekwe itangazamakuru ryasize mu banyamerika.

Yagize ati “Iyi komite itegeje kwakira ubuhamya bw’uwahoze ayobora FBI buzaba bufite agaciro gakomeye mu gusesengura uruhare rw’u Burusiya mu matora ya Amerika mu 2016.”

Comey wayoboraga FBI yemeye gutanga ubuhamya bw’uko u Burusiya bwafashije Trump