Minisiteri y’Ubutegetsi bw’Imbere muri Burkina Faso yasohoye itanagzo rihagarika ibikorwa byose by’ishyaka rya Blaise Compaoré, Ihuriro rya Demokarasi n’Iterambre (CDP) ndetse n’andi mashyirahamwe amushyikiye.

Ubutegetsi bushya muri Burkina-Faso, buvuga ko izi mpinduka ziri mu Rwgo rwo gusubiza ibintu ku murongo nyuma y’impinduka zahiritse Compaoré ku butegetsi.
Itangazo ryashyizwe ahagaragara kuri uyu wa mbere tariki ya 15 Ukuboza 2014 na Minisitiri Auguste Denise Barry, ryagaragazaga ko CDP yarengereye mu mikorere yayo igakora ibikorwa bitajyanye n’itegeko rya Leta rigenga amashyaka n’imitwe ya politiki muri Burkina Faso.

Ryagiraga riti “Kurengera amategeko n’amabwiriza ya Leta agenga amashyaka n’imitwe ya Politiki, mu gihe bibaye ngombwa cyangwa bibangamiye umudendezo w’abaturage bose, [...] Minisiteri ishinzwe ubwisanzure bw’abaturage ishobora guhagarika ibikorwa byose by’ishyaka ryabirenzeho ndetse igategeka ikurwaho ry’imyanya yaryo.”

Ishya CDP n’ishyirahamwe Fedap-BC ryavuzweho kubogamira kuri Compaore, bikaba byahagaritswe bishinjwa gukora ibikorwa bitajyanye n’amategeko agena kwishyirahamwe muri Burkina Faso.

Impaka zabaye nyinshi mu bari bagize ishyaka CDP, bagaragaje ko bizagora kuba abantu bashobora kuba bakwiyunga mu gihe amashyaka amwe atangiye gufungwa.
Kuva ku itariki ya 5 Ukwakira 2014, umuyobozi wa CDO, Assimi Kouanda n’uwa Fedap-BC, Adama Zongo bari bafungiye kuri gendarumeri ya Paspanga i Ouagadougou.

Bashinjwaga imbwirwaruhame zishobora guteza umutekano muke mu baturage. Kouanda yahamagariye abayoboke b’ishyaka kwirwanaho igihe baba batewe, ibi byatumye afatwa n’abashinzwe umutekano muri Leta y’inzibacyuho.