Mu nyandiko yagarutse ku ngaruka AI ishobora kugira ku isoko ry’umurimo, Gates yavuze ko iterambere ryayo rishobora kugera aho guhugura abakozi ngo bajye mu yindi mirimo bitazaba bigihagije, kuko AI izaba ishoboye gukora byinshi cyane.

Ni ho yahereye atanga igitekerezo yise “Human Reserved”, aho sosiyete yahitamo ko hari imirimo cyangwa inshingano zigomba kuguma mu maboko y’abantu, nubwo AI cyangwa robots zaba zishoboye kuzikora.

Yatanze urugero ku kwita ku bana no kuba umwe mu bagize inteko y’abaturage ifasha urukiko gufata icyemezo, avuga ko hari inshingano umuntu akwiriye gukomeza kugira.

Ku mirimo nk’uburezi n’ubuvuzi, Gates ntabwo ashyigikiye ko AI ihagarikwa ahubwo avuga ko abantu bakomeza kuyikora, AI ikabafasha kurushaho kunoza ibyo bakora.

Yanavuze ko hari abakozi bashobora kurindwa gusimbuzwa AI by’agateganyo.

Gates anasaba ko harebwa uburyo AI na robots byasoreshwa, kugira ngo ibigo bitabona inyungu nyinshi mu gusimbuza abakozi imashini.

Avuga ko mu buryo bwagutse, imirimo igera kuri 40% ishobora kubanza guharirwa abantu. Gusa asanga AI izagira ingaruka zikomeye ku isoko ry’umurimo.

Bill Gates yasabye ko hari imirimo imwe iharirwa abantu nubwo AI yaba ifite ubushobozi bwo kuyikora neza kubarusha