00:00:00 IGIHE NETWORK KN KINYARWANDA EN ENGLISH FR FRANCAIS

Amerika n’u Bwongereza byahagaritse guhiga Abatalibani muri Afghanistan

Yanditswe na

John Williams NTWALI

Kuya 27 Ukwakira 2014 saa 07:30
Yasuwe :
0 0

Nyuma y’imyaka 13 Ingabo za OTAN ziganjemo iz’Abanyamerika n’Abongereza zirwanira ku butaka bwa Afghanistan aho zagiye guhiga Abatalibani, ku Cyumweru tariki ya 26 Ukwakira 2014 zashoje ubutumwa bwazo, bwaguyemo abatari bake.
Mu ntambara yabaye ndende kandi ikagora impande zose muri iyi imyaka 13, Ingabo za OTAN zabashije guhangamura Ingoma y’Abatalibani mu mwaka wa 2001. Ibitero bya OTAN byatangiye nyuma gato y’aho Al Quaeda ya Ossama Bin Laden igabiye muri Amerika ibitero byiswe ibyo kuwa 11 (...)

Nyuma y’imyaka 13 Ingabo za OTAN ziganjemo iz’Abanyamerika n’Abongereza zirwanira ku butaka bwa Afghanistan aho zagiye guhiga Abatalibani, ku Cyumweru tariki ya 26 Ukwakira 2014 zashoje ubutumwa bwazo, bwaguyemo abatari bake.

Mu ntambara yabaye ndende kandi ikagora impande zose muri iyi imyaka 13, Ingabo za OTAN zabashije guhangamura Ingoma y’Abatalibani mu mwaka wa 2001. Ibitero bya OTAN byatangiye nyuma gato y’aho Al Quaeda ya Ossama Bin Laden igabiye muri Amerika ibitero byiswe ibyo kuwa 11 Nzeli, bikamenyekana ko byose byateguriwe muri Afghanistan.

Kusa ikivi kw’Ingabo z’Abongereza n’iz’Abanyamerika bisobanuye ko urugamba rwo guhangana n’Abatalibani bakigaragara hirya no hino mu gihugu, rusigaye mu maboko y’Ingabo za Afghanistan.

Abatalibani bamaze imyaka myinshi bakora amarorerwa muri Afghanistan

Abanyamerika basaga 2300 bahasize ubuzima

Iyi ntambara ishojwe ihitanye abasirikare 453 b’Abongereza n’abandi basaga 2300 b’Abanyamerika. Kururutswa kw’amabendera y’ibi bihugu byombi mu Ntara ya Helmand mu Majyepfo ya Afghanistanm ni kimwe mu byaranze isozwa ry’ubutumwa bw’izi ngabo zari zikuriwe na OTAN.

Minisitiri w’Ingabo w’u Bwongereza, Michael Fallon yavuze ko gutahuka kw’Ingabo zabo bitavuze ko Abatalibani batsinzwe uruhenu, ko ahubwo ari ah’Ingabo za Afghanistan gushyiraho akazo ngo zihangane n’abigometse ku butegetsi bwa Afghanistan muri iyo myaka yose ishize.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .