Leta ya New York ni imwe mu zibasiwe n’urubura rwinshi kuko urwahaguye ni rwo rwinshi rwibasiye iyi Leta iherereye mu Majyaruguru y’Iburasirazuba ya Amerika mu myaka ine ishize.

Ku wa 27 Ukuboza 2025, Guverineri wa Leta ya New York, Kathy Hochul, yatangaje ko muri iyi Leta hashyizweho ibihe bidasanzwe kubera uburyo urubura rwabaye rwinshi cyane.

Ibi byatumye ingendo z’indege zirenga 700 zo muri iyi Leta zihagarikwa mu gihe mu gihugu hose cya Amerika izahagaritswe zirenga 3000 kubera urubura rwinshi.

Ikigo FlightAware gikusanya kikanakurikirana amakuru ajyanye n’ingendo zo mu kirere cyatangaje ko ingendo z’indege zirenga ibihumbi 14400 z’imbere mu gihugu zirimo izasubitswe n’izimuriwe igihe.

Reuters yanditse ko ingendo z’indege mpuzamahanga 2100 zirimo izagombaga guhaguruka no kugwa muri Amerika na zo zasubitswe.

Ubuzima bwahagaze muri Leta ya New York kubera urubura rwinshi

Abantu benshi bari bafite ingendo z'indege baheze ku bibuga by'indege kubera ko zahagaritswe kubera urubura rwinshi