Amatora muri Amerika: Joe Biden yimitswe ku mugaragaro nk’uzahagararira ishyaka ry’Aba- démocrate

00:00:00 IGIHE NETWORK

KINYARWANDA

ENGLISH

FRANCAIS

Amatora muri Amerika: Joe Biden yimitswe ku mugaragaro nk’uzahagararira ishyaka ry’Aba- démocrate

Yanditswe na Kayonga J.

Kuya 19 August 2020 saa 07:43

Yasuwe :

Yavuzweho:

Ku munsi wa kabiri w’inama nkuru y’ishyaka ry’Aba- démocrate [Democratic National Convention] muri Leta Zunze Ubumwe za Amerika iri guteranira i Milwaukee muri Leta ya Wisconsin, Joe Biden yimitswe ku mugaragaro nk’uzahagararira ishyaka ry’aba- démocrate mu matora y’umukuru w’igihugu ateganyijwe mu Ugushyingo uyu mwaka.

Iyimikwa rya Joe Biden ryabanjirijwe n’amagambo amutaka yavuzwe na bamwe mu banyepolitiki b’inararibonye barimo Bill Clinton na Jimmy Carter bigeze kuyobora Amerika, Colin Powell wigeze kuyobora ububanyi n’amahanga n’abandi.

Joe Biden yemejwe nk’uzahagararira ishyaka ry’Aba- démocrate mu matora nyuma yo kuganza abo yahanganye nabo mu gikorwa cyo gutoranya umukandida w’aba- démocrate mu matora cyamuhanganishije n’abarimo Bernie Sanders, Elizabeth Warren, Michael Bloomberg, Pete Buttigieg, Amy Klobuchar naTulsi Gabbard kuva mu kwezi kwa Kabiri uyu mwaka.

Mu ijambo rye, Clinton yavuze ko Perezida Donald Trump yazanye "akaga" muri perezidanse ya Amerika.

Ni ku nshuro ya gatatu Joe Biden yiyamamarije kuyobora Leta Zunze Ubumwe za Amerika kuko yari yarigeze kuba umukandida mu mwaka wa 1988 na 2008. Muri Gashyantare uyu mwaka, uyu musaza w’imyaka 77 ibikorwa bye byo kwiyamamaza byasaga n’ibicumbagira, gusa biza gufata umurego guhera mu kwezi kwa Gatatu.

Iyimikwa rya Joe Biden rifunguye amarembo kuri we yo guhangana na Perezida Donald Trump mu matora ateganyijwe tariki 3 Ugushyingo uyu mwaka.