00:00:00 IGIHE NETWORK KN KINYARWANDA EN ENGLISH FR FRANCAIS

Abasirikare b’u Bufaransa bagiye kwerekeza muri Ukraine

Yanditswe na Umutoni Rosine
Kuya 2 June 2024 saa 08:30
Yasuwe :

Aleksey Goncharenko, umudepite wo muri Ukraine yatangaje ko itsinda rya mbere ry’abasirikare bigisha abandi bo mu Bufaransa bari mu nzira berekeza muri Ukraine.

Bibaye nyuma y’iminsi umuyobozi w’ingabo za Ukraine, Aleksandr Syrsky, atangaje ko ibyari bikenewe byose ngo ingabo z’u Bufaransa zigere muri icyo gihugu byakemuwe.

Kuri uyu wa Gatanu depite Goncharenko yavuze ko amakuru yizewe afite, ari uko abasirikare b’u Bufaransa bari mu nzira.

Bibaye mu gihe hakiri ukutumvikana hagati y’ibihugu bigize Umuryango w’Ubutabarane wa NATO, ku gitekerezo cyo kohereza ingabo zabyo muri Ukraine ihanganye n’u Burusiya mu ntambara.

U Burusiya bwagaragaje kenshi ko ingabo za NATO nizinjira mu ntambara, bizafatwa nk’aho uwo muryango winjiye mu ntambara byeruye, ukazaraswaho nkuko biri kuba kuri Ukraine.

Muri Gashyantare uyu mwaka Perezida w’u Bufaransa, Emmanuel Macron yatangaje ko NATO ishobora kuzohereza ingabo zayo muri Ukraine, biteza impagararara icyakora abayobozi b’uwo muryango baje gusobanura ko abasirikare bazoherezwa atari abagiye kurwana.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .