00:00:00 IGIHE NETWORK KN KINYARWANDA EN ENGLISH FR FRANCAIS

Abarusiya n’Abafaransa bahuriye ku kuba Yasser Arafat atararozwe

Yanditswe na

Emma-Marie Umurerwa

Kuya 26 December 2013 saa 04:52
Yasuwe :

Abashakashatsi bo mu Gihugu cy’u Burusiya kuri uyu wa kane itariki 26 Ukuboza 2013 bemeje ko uwahoze ari Perezida w’Igihugu cya Palesitine Yasser Arafat atazize uburozi nk’uko byagiye bitangazwa ahubwo yazize urupfu rusanzwe; baba bahuje n’abashakashatsi bo mu Bufaransa na bo bavuze ko atazize uburozi.
France24 dukesha iyi nkuru itangaza ko inzobere zo mu Burusiya zatangaje kuri uyu wa kane tariki ya 26 Ukuboza 2013 ko nta burozi basanze mu bice by’umubiri wa Yasser Arafat.
Aba (…)

Abashakashatsi bo mu Gihugu cy’u Burusiya kuri uyu wa kane itariki 26 Ukuboza 2013 bemeje ko uwahoze ari Perezida w’Igihugu cya Palesitine Yasser Arafat atazize uburozi nk’uko byagiye bitangazwa ahubwo yazize urupfu rusanzwe; baba bahuje n’abashakashatsi bo mu Bufaransa na bo bavuze ko atazize uburozi.

France24 dukesha iyi nkuru itangaza ko inzobere zo mu Burusiya zatangaje kuri uyu wa kane tariki ya 26 Ukuboza 2013 ko nta burozi basanze mu bice by’umubiri wa Yasser Arafat.

Aba bashakashatsi banzuye ko Yasser Arafat wapfuye mu mwaka wa 2004 aguye mu bitaro bya gisirikare byo mu Bufaransa hafi y’Umujyi wa Paris yazize urupfu rusanzwe atarozwe.

Faed Mustafa uhagarariye Palesitine mu Burusiya kuri uyu wa kane yatangarije ibiro ntaramakuru by’u Burusiya ko iperereza ku rupfu rwa Yasser Arafat rizakomeza agira ati “Twubaha ibyo batangaje kandi duha agaciro akazi bakoze, ariko hemejwe ko bagiye gukomeza iperereza.”

Umucamanza wo mu Bufaransa wari ufite ikirego cy’uko Arafat yarozwe yategetse ko bataburura umurambo we mu mwaka wa 2012. Inzobere mu gupima amagufa zo mu bihugu by’u Bufaransa, u Busuwisi n’u Burusiya zitwara ibipimo 60 ngo barebe niba koko Yasser Arafat yararozwe.

Inzobere z’abaganga bo mu Gihugu cy’u Bufaransa n’abo mu Gihugu cy’u Burusiya bahuriye ku mwanzuro umwe w’uko Arafat atazize uburozi, mu gihe inzobere z’Abaganga bo mu Gihugu cy’Busuwisi bari bemeje ko Arafat basanze ibyitwa “polonium” mu bice by’umubiri we.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .