00:00:00 IGIHE NETWORK KN KINYARWANDA EN ENGLISH FR FRANCAIS

Abanyamahanga bakingiwe Covid-19 bakomorewe kwinjira muri Amerika

Yanditswe na Rosine Ingabire
Kuya 15 Ukwakira 2021 saa 06:14
Yasuwe :
0 0

Guhera tariki 8 Ugushyingo uyu mwaka, abanyamahanga bahawe doze zose z’urukingo rwa Covid-19 bazaba bemerewe kwinjira muri Leta Zunze Ubumwe za Amerika.

Ni zimwe mu ngamba zafashwe kuri uyu wa Gatanu nyuma y’amezi 18 kwinjira muri icyo gihugu ku banyamahanga baje kugisura ari ihurizo.

Itangazo ry’ibiro bya Perezida rivuga ko icyo cyemezo kireba abinjira muri Amerika baje mu ndege cyangwa abanyura inzira zo ku butaka.

Ni amakuru meza ku bakora mu rwego rwo gutwara abantu mu ndege n’abakora mu bukerarugendo bari bamaze igihe binginga Leta ngo idohore kuko kubuza abanyamahanga kwinjira mu gihugu byabashyize mu gihombo.

CNN yahawe amakuru ko abazemererwa kwinjira muri Amerika ari abahawe urukingo rwa Covid-19 rwemewe n’icyo gihugu n’izindi zashyizwe ku rutonde rw’izemewe gukoreshwa n’Ishami ry’Umuryango w’Abibumbye ryita ku Buzima, OMS.

Hari hashize igihe kwinjira muri Amerika ku bantu bafite impamvu zisanzwe bigoye, keretse abavuye mu bihugu bike bitagaragaramo ubwandu bwinshi.

Hari hashize igihe kwinjira muri Amerika ku banyamahanga bigoye

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .