00:00:00 IGIHE NETWORK KN KINYARWANDA EN ENGLISH FR FRANCAIS

U Bwongereza: Imirongo miremire yatumye abaturage badukana imitwe idasanzwe

Yanditswe na Muyisenge Jean Felix
Kuya 4 June 2022 saa 02:54
Yasuwe :

Mu bihe nk’ibi bisatira impenshyi abaturage benshi batuye mu bihugu byo hanze y’Umugabane wa Afurika batangira gutegura kujya mu biruhuko hirya no hino ku Isi.

Ni ku bw’izo mpamvu usanga mu mpeshyi umubare w’abakoresha ibibuga by’indenge berekeza mu biruhuko wiyongera cyane.

Mu gihugu cy’u Bwongereza, ubwiyongere ku mubare w’abakoresha ibibuga by’indenge butangiye guteza ibibazo kubera imirongo miremire idashira.

Iyi mirongo iri gutuma abagenzi biga imitwe yo kuyitambuka manze bakiyoberanya nk’abafite ubumuga kugira ngo bafashwe kuva ku bibuga by’indege hakiri kare.

Aho biri kugaragara ni ku Kibuga cy’Indege cya Birmingham, aho Umuyobozi Mukuru wacyo yabwiye Daily Mail ko umubare w’abari gusaba ubufasha bwo guhabwa amagare yagenewe abamugaye wiyongereyeho 20%.

Izamuka ry’uyu mubare rishingiye ku bantu barimo bariyoberanya kugira ngo badatinda ku mirongo. Ibi byatumye ubuyobozi bw’iki kibuga bwongera umubare w’ayo magare ndetse n’umubare w’abakozi bo gusunika abakoresha ayo magare.

Ubusanzwe abamugaye barindwa kumara igihe kinini ku mirongo bakanyuzwa mu nzira zihuta bakanakaturirwa ku giciro cy’ubwikorezi bw’imizigo yabo.

Imirongo miremire y'abaturage iri gutuma bahimba imitwe yo kwigira nk'abamugaye kugira ngo bace ku mirongo y'abantu vuba

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .