Ni amasezerano ibi bihugu bitatu bigaragaza ko agiye kuba intangiriro yo gukemura impamvu muzi z’umutekano muke, agire uruhare rukomeye mu iterambere ry’ubukungu bw’akarere, binyuze mu mishinga itandukanye ihuriweho.

Mu kiganiro Tubijye Imuzi cya IGIHE, Umusesenguzi mu bya Politiki, Tite Gatabazi, yagaragaje ko ubwo bwumvikane nibushyirwa mu bikorwa nta guca ku ruhande buzatanga ibisubizo by’ibibazo ku buryo burambye.

Yerekanye kandi ko ibizakorwa byose, bigomba gukoranwa ubushishozi n’ubwitonzi kugira ngo amasezerano azakorwa atazagira ikibazo asiga kitabonewe umuti.

Yashimangiye ko kuba ubwo bwumvikane bwashyiriweho umukono muri Leta Zunze Ubumwe za Amerika bizabwongerera uburemere ku buryo impande zombi zizaharanira ko bishyirwa mu bikorwa uko bikwiye.

Amasezerano y'amahame azagenderwaho mu gukemura ikibazo cy'umutekano muke mu Burasirazuba bwa RDC yitezweho igisubizo