StarTimes yatangije ubukangurambaga bwo kurwanya COVID-19

Yanditswe na Twarabanye Venuste
Kuya 24 Werurwe 2020 saa 12:54
Yasuwe :
0 0

StarTimes yashyizeho gahunda nshya y’amakuru yise ‘StarTimes Daily COVID-19 Report’ igamije gutanga amakuru mashya kuri COVID-19, mu rwego rwo kurushaho gukangurira abantu kwirinda icyo cyorezo.

Kuva ku itakiki 20 Werurwe 2020, StarTimes yinjije ‘StarTimes Daily COVID-19 Report” muri gahunda zayo, nk’igice cy’amakuru yerekeye coronavirus, akazajya anyura kuri shene 12 no kuri porogaramu ya StarTimes kuri telefoni.

StarTimes yatangaje ko iyo gahunda y’amakuru izajya iba iri mu ndimi zitandukanye zirimo; Icyongereza, Igifaransa, Igiporitigali n’indimi z’imbere mu bihugu ikoreramo.

Iyo gahunda igamije kugira ngo abatuye mu mijyi no mu cyaro muri Afurika bagire ubumenyi nk’intwaro ikomeye yo kurwanya icyo cyorezo. Umuyobozi ushinzwe itumanaho muri StarTimes, Lily Meng, yavuze ko izacamo amakuru yose yerekeye coronavirus, kwigisha abantu kwirinda no kubereka ibibera ahandi kugira ngo bamenye ukuri barusheho kwirinda.

Ati “ StarTimes Daily COVID-19 Report izajya yereka abantu amakuru mashya n’imibare ya coronavirus muri Afurika no ku Isi. Izasangiza abantu ingamba zo kwirinda, ibereke n’amasomo bakura ku bindi bihugu bitume barushaho kwirinda n’imiryango yabo.”

Yavuze ko abantu bafite ibibazo byinshi bacyibaza kuri coronavirus, ariko hakwirakwira ibihuha bitandukanye bishobora gupfukirana ukuri. Muri ayo makuru babwira abantu ukuri kandi bagaragaza n’icyizere gihari cyo gutsinda icyorezo.

Zimwe muri shene zizajya zinyuzwaho amakuru ajyanye na coronavirus
StarTimes yatangije gahunda y'amakuru mashya kuri coronavirus 'StarTimes Daily COVID-19 Report'

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .