00:00:00 IGIHE NETWORK KN KINYARWANDA EN ENGLISH FR FRANCAIS

R. Kelly yasabiwe kuvuzwa indwara zo mu mutwe

Yanditswe na Léana Bisa
Kuya 2 July 2022 saa 02:51
Yasuwe :

Nyuma yo gukatirwa igifungo cy’imyaka 30 kubera icyaha cyo guhohotera abagore no gusambanya ku gahato abarimo abatarageza ku myaka y’ubukure, Robert Sylvester Kelly wamamaye nka R. Kelly yasabwe n’urukiko ko nyuma yo kurangiza igihano cye, azivuza agakurikiranwa n’abaganga kandi ntagirane umubano n’abana bari munsi y’imyaka 18.

Umucamanza Ann M. Donnelly, ubwo yatangazaga icyemezo cy’urukiko ku bihano byafatiwe R. Kelly, yavuze ko uyu muhanzi azakatirwa imyaka 30 ndetse akazanashaka umuganga uvura uburwayi bwo mu mutwe wo kumukurikirana.

Yakomeje amusaba kutazagira icyo ahuriraho n’abana batarageza ku myaka y’ubukure ndetse yategetse ko nyuma yo kurangiza igihano cye, agomba kuzajya amenyesha uzifuza kubana na we wese ko yahamijwe ibyaha byo guhohotera abagore no kubafata ku ngufu.

Uyu mucamanza yavuze ko umuntu utarageza ku myaka 18 wemerewe kumwegera agomba kuzaba ari uwo mu muryango we gusa kandi nabwo aherekejwe n’umuntu mukuru, kandi ibi byose bigakorwa byemejwe n’uzaba ushinzwe gukurikirana R.Kelly nyuma yo kurekurwa.

Abashinjacyaha bavuze ko R. Kelly ari umuntu utizewe kuko na nyuma yo gushinjwa imbere y’urukiko yakomeje akagira imyitwarire mibi, bashimangira ko ari ngombwa ko afatirwa indi myanzuro.

Nyuma yo kurangiza igihano cy’imyaka 30 y’igifungo, uyu muhanzi azamara indi myaka itanu agikurikiranwa n’inzego zibishinzwe.

Uyu muhanzi kandi agomba no kwitaba izindi nkiko ku byaha bibiri akomeje kuregwa, aho biramutse bimuhamye yarushaho gufatirwa ibihano bikakaye.

R. Kelly yasabiwe kuvuzwa mu mutwe nyuma yo kubuzwa kuzegera abana bari munsi y'imyaka 18 ubwo azaba avuye muri gereza

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .