00:00:00 IGIHE NETWORK KN KINYARWANDA EN ENGLISH FR FRANCAIS

Polisi ya Mozambique yatabaye Umunyarwanda wari washimuswe

Yanditswe na Umutoni Rosine
Kuya 21 July 2022 saa 07:31
Yasuwe :

Polisi ya Mozambique yatangaje ko yatabaye umucuruzi w’Umunyarwanda nyuma y’amasaha make yari amaze ashimuswe ku wa Gatatu mu gitondo, mu gace ka Matola gaherereye mu birometero 150 uturutse mu Murwa Mukuru, Maputo.

Uwo mugabo utaratangazwa amazina ye, ngo yatezwe n’abantu bane bitwaje imbunda hafi y’aho asanzwe acururiza ibikoresho by’ubwubatsi.

Polisi yatangaje ko abo bagabo bane bamutwaye bakoresheje imodoka ye bwite baza kuyisiga mu kandi gace bamutwara mu yindi modoka ndetse basabaga kwishyurwa amafaranga kugira ngo bamurekure.

Baje kumusiga mu birometero bitanu uvuye aho bamukuye ubwo polisi yabakurikiraga ariko bamutwaye telefone zigendanwa nk’uko BBC ibitangaza.

Umuvugizi wa Polisi ya Mozambique, Herinques Mendes, yavuze ko batabajwe n’umuvandimwe w’uwashimuswe babasha gutanga ubufasha bwatumye atabarwa.

Ubushimusi bukorwa n’abishyuza ingurane ngo babone kurekura abafashwe muri ubwo buryo bimaze gufata indi ntera mu Mijyi minini muri Mozambique aho abacuruzi cyangwa abo mu miryango yabo ari bo bibasirwa cyane.

Umuvugizi wa Polisi ya Mozambique, Herinques Mendes

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .