Minisitiri Nyirarukundo yibukije ko kuba hari ahakiri ubukene mu Rwanda bidakuraho ibyiza byagezweho

Yanditswe na Sitio Ndoli
Kuya 16 Gashyantare 2020 saa 10:59
Yasuwe :
0 0

Umunyamabanga wa leta muri minisiteri y’ubutegetsi bw’igihugu Ignatienne Nyirarukundo avuga ko nubwo mu Rwanda hakiri ubukene, abantu badakwiye kwibagirwa ko hari ibyagezweho.

Yabigarutseho nama yamuhuje n’abashinzwe imibereho myiza mu mirenge, abayobozi b’uturere, abanyamabanga nshingwabikorwa n’abandi bafite aho bahuriye n’imibebereho myiza y’abaturage mu ntara y’Iburengerazuba.

Yavuze ko kuzamura abantu bose icyarimwe bidashoboka, gus ango Leta ikora ibishoboka byose ngo buri wese atere intambwe ku bushobozi bwe.

Ati “Ntetekereza ko impamvu zo zishobora kuba nyinshi ariko ibibazo ntibikatwibagize ko haba hari ibyiza biba byaragezweho, urumva kugirango abantu baterere imbere icyarimwe ntabwo byashoboka hari abagenda gahoro, hari abagenda gahoro cyane, hari n’abihuta bitewe wenda n’uko umuntu yiyubatse mu bitekerezo.”

Ubushakashatsi bwa Gatanu ku mibereho y’ingo mu Rwanda (EICV5), bwagaragaje ko umubare w’abanyarwanda mu 2016/2017 wari miliyoni 11.8, muri bo abagera kuri 38.2% bari mu bukene bavuye kuri 39.1% naho 16.0% bari mu bukene bukabije bavuye kuri 16.3 % mu 2013/14.

Nyirarukundo yavuze ko kuvana abantu mu bukene ari ibintu bitoroshye kuburyo wakwiha umunsi ngo biracyemutse ariko ko kuba hari abagikennye hari impamvu kandi zigomba gukorwaho ubushakashatsi.

Ati “Buriya kuvana abantu mu mubare wanganaga kuriya si ibintu byoroshye, ntabwo ari nk’agakoni ukubita ngo uvuge uti ibi birabaye, nihaye umunsi ngo abantu bavuye mu ubukene. Abanyarwanda buriya ni abakozi ntabwo ari abanebwe,abantu bazabikorera ubushakashatsi impamvu uturere dutinda mu bucyene utundi wenda tukihuta, impamvu buriya ziba zitandukanye.”

Ubushakashatsi bw’ikigo cy’ibarurishamibare bugaragaza uturere twa Nyamasheke, Gisagara, Rulindo, Karongi na Nyaruguru tuza imbere mu kugira abaturage benshi bari mu bukene mu Rwanda. Intara y’Iburengerazuba niyo ifite abari mu bukene benshi bangana na 47.1%, n’abari mu bukene bukabije benshi bangana na 21.6%.

Abitabiriye iyi nama biyemeje gukomeza kugeza ku baturage gahunda zibateza imbere neza nta ruswa umuturage yatswe cyangwa ngo ananizwe n’abayobozi kugirango gahunda zirimo VUP n’izindi zibashe kugera ku ntego.

Umunyamabanga wa leta muri minisiteri y’ubutegetsi bw’igihugu Ignatienne Nyirarukundo yavuze ko ibyiza byagezweho mu kurwanya ubukene bikwiriye kwishimirwa

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza