00:00:00 IGIHE NETWORK KN KINYARWANDA EN ENGLISH FR FRANCAIS

Kwibuka no kunamira abazize Jenoside ni igihango si umuhango-Bamporiki

Yanditswe na Ntabareshya Jean de Dieu
Kuya 7 April 2022 saa 04:16
Yasuwe :

Umunyamabanga wa Leta muri Minisiteri y’Urubyiruko n’Umuco, Bamporiki Edouard, yibukije Abanyarwanda ko kwibuka no kunamira abishwe muri Jenoside yakorewe Abatutsi mu 1994 ari igihango atari umuhango.

Ibi yabigarutseho mu butumwa yanyujije ku rukuta rwe rwa Twitter aho yibukije Abanyarwanda impamvu yo kwibuka Jenoside yakorewe Abatutsi.

Ati “Kwibuka no kunamira abishwe muri Jenoside yakorewe Abatutsi ni igihango si umuhango. Abakuru, abazi aya mateka, mu ngorane zose zaranze uru rugendo mbifurije gukomera no gukomezanya.”

Bamporiki yavuze ko abantu bakuru banazi neza amateka y’u Rwanda bari bakwiye kuyasobanurira abakiri bato mu buryo butayagoreka.

Yakomeje ati “Muze twese hamwe dusobanurire abato aya mateka tutayagoretse.”

Bamporoki kandi yagaragagaje ko ubutwari bwagaragariye mu guharanira kuburizwamo ibikorwa by’ubugwari yemeza ko iyo abanyabubasha baburizamo umugambi wa Jenoside yakorewe Abatutsi byari kubagira intwari.

Ati “Intwari ni iburizamo ibikorwa by’ubugwari, kuruta gushakira ubutwari mu mage yabaye uyarebera. Iyo abanyabubasha baburizamo umugambi wa Jenoside yakorewe Abatutsi byari kubagira intwari, bikabarutira kwitirira ibigwari ubutwari.”

Ibikorwa byo kwibuka Jenoside yakorewe Abatutsi ku nshuro ya 28 byatangiye kuri uyu wa 7 Mata 2022.

Umuhango wo gutangiza icyumweru cy’Icyunamo n’Iminsi 100 yo Kwibuka ku nshuro ya 28 Jenoside yakorewe Abatutsi, wabereye ku rwibutso rwa Kigali ruherereye ku Gisozi mu gihe ibiganiro byabereye hirya no hino mu midugudu.

Umunyamabanga wa Leta muri Minisiteri y’Urubyiruko n’Umuco, Bamporiki Edouard, yavuze ko kwibuka Jenoside yakorewe Abatutsi ari igihango

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .