Karongi: Umukobwa w’imyaka 21 yasanzwe munsi y’umukingo yapfuye

Yanditswe na Mukwaya Olivier
Kuya 8 Nzeri 2020 saa 07:38
Yasuwe :
0 0

Nikuze Josiane umukobwa w’imyaka 21, yasanzwe munsi y’umukingo yapfuye, mu rukerera rwo kuri uyu wa mbere mu mudugudu wa Kabeza akagari ka Kibirizi umurenge wa Rubengera ho mu karere ka Karongi.

Ubuyobozi buvuga ko nyakwigendera yari asanganwe uburwayi bwo mu mutwe, ndetse akaba yakomokaga mu murenge wa Bwishyura.

Umurambo w’uwo mukobwa ukaba wagaragaye mu murima wegeranye n’ibisheke bihinze hepfo gato y’ishuri ryisumbuye rya Rubengera. Wabonywe n’umuturage ahagana mu saa moya za mu gitondo ubwo yari agiye kuvoma.

Umunyamabanga Nshingwabikorwa w’umurenge wa Rubengera, Rukesha Emile, yavuze ko amakuru ya nyakwigendera bayamenye mu gitondo,umurambo bakaba bawujyanye kwa muganga ngo ukorerwe isuzuma.

Yagize ati “Twamenye amakuru mu gitondo, ahagana saa moya na mirongo ine, turahagera turi kumwe n’inzego zinyuranye. Mu kubaza amakuru ku muryango we dusanga nyakwigendera akomoka mu murenge wa Bwishyura, ndetse yari asanzwe afite uburwayi bwo mu mutwe.”

Yakomeje avuga umuryango we wahageze bawufasha kugeza umurambo ku bitaro bikuru bya Kibuye kugira ngo hasuzumwe icyamwishe mbere y’uko ashyingurwa.

Nyakwigendera asize umwana yari yarabyaye akamusigira nyirakuru, kuko ariwe wamwitagaho, mu gihe undi umuryango we utamuherukaga kubera uburwayi bwo mu mutwe yari asanganwe bwatumaga batamenya iyo yagiye.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .