Yabigaragaje mu butumwa yanyujije ku rukuta rwe rwa Twitter aho yifatanije n’Abanyarwanda ndetse n’Isi muri rusange mu kwibuka abazize Jenoside yakorewe Abatutsi mu 1994 aho abasaga miliyoni bishwe mu minsi 100.

Mu butumwa bwe yagize ati “Nshobora kuba ndi mu mujyi wa Stockholm uyu munsi mu buryo bw’umubiri ariko ku mutima ndetse no mu ntekerezo ndi i Kigali. Uyu munsi twibuka Jenoside yakorewe Abatutsi mu 1994, aho abantu barenga miliyoni bishwe, dutekereza ku barokotse ndetse n’ababuze ababo muri ibyo bihe.”

Uyu mugore w’imyaka 47 yabaye Ambasaderi wa mbere wa Suède mu Rwanda kuva mu 2016 kugera mu 2019 ubwo yahabwaga izindi nshingano akaba umwe mu bakunzwe cyane ahanini bitewe n’urukundo n’umurava wo kubana neza n’Abanyarwanda.

Icyumweru cyo Kwibuka ku nshuro ya 28 byatangijwe na Perezida Kagame na Madamu Jeannette Kagame bacana n’urumuri rw’icyizere.

I might be physically in Stockholm today but by heart & mind is in Kigali. Today we commemorate the Genocide against the Tutsi in 1994, where more than 1 million people were murdered. Thinking about the suffering of survivors & mourning of everyone that lost someone #Kwibuka28 pic.twitter.com/fs4Cycna56

— Jenny Ohlsson 🇸🇪 (@jennyohlssonMFA) April 7, 2022

Jenny Ohlsson, wabaye Ambasaderi wa Suède mu Rwanda, yifatanyije n’Abanyarwanda mu kwibuka Jenoside yakorewe Abatutsi

Jenny Ohlsson aha yari kumwe na Minisitiri w'Imari n'Igenamigambi, Dr Uzziel Ndagijimana