Ibi birori kandi byahuriranye n’ibyo gusoza amahugurwa ya gipolisi ku bofisiye bato 436 bahawe ipeti rya Assistant Inspector of Police [AIP]. Abo bapolisi barimo abagore 109 n’abanyamahanga icyenda bo muri Seychelles batorejwe i Gishari.

Ni amahugurwa yari amaze amezi 11.

Ubwo Perezida Paul Kagame yageraga mu Ishuri ry’Amahugurwa rya Polisi rya Gishari PTS Gishari, yabanje gusura ahamurikiwe ibikoresho bitandukanye byifashishwa na Polisi mu kazi kayo ka buri munsi.

Muri Kamena 2000 nibwo Polisi y’Igihugu yavutse nyuma yo guhuza inzego eshatu zarimo Gendarmerie Nationale yakoreraga muri Minisiteri y’Ingabo, Polisi ya Komini yakoreraga muri Minisiteri y’Ubutegetsi bw’Igihugu n’Abagenzacyaha (Judicial Police Inspectors) bakoreraga muri Minisiteri y’Ubutabera.

Mu myaka ishize Polisi y’Igihugu yubatse ubushobozi bwaba ubw’abapolisi ndetse n’ibikoresho bitandukanye byifashishwa n’amashami ya Polisi atandukanye.

Nyuma yo gusura ibyo bikoresho, Perezida Kagame yagenzuye akarasisi k’abofisiye bashya, anabaha ipeti rya AIP.

Aba bapolisi bakoze akarasisi kanyuze abitabiriye ibirori, bigeze ku itsinda ry’abatwara moto biba akarusho.

Mu butumwa bwe, Perezida Kagame yagarutse ku isabukuru ya Polisi y’Igihugu, avuga ko ari umwanya wo kwisuzuma mu kongera gushimangira indangagaciro n’imikorere biranga uru rwego.

Ati “Mukomeze kuba abanyamwuga ndetse no kwicisha bugufi ntacyo byabatwara mu kazi mukorera igihugu cyacu, cyanyu n’abaturage bacyo, ibyo maze kuvuga ni ngombwa. Ibi ni byo bizatuma icyizere Abanyarwanda babafitiye no gukomeza kubafasha bikomeza gushinga imizi.”

Yanabasabye kwirinda ruswa, gushishoza mu byemezo bafata no kwicisha bugufi.

Polisi yasabwe kujyana n'igihe no kwimakaza ikoranabuhanga

Abapolisi basabwe gukomeza kurangwa no kugira umurava

Abakoze imirimo itandukanye muri Polisi y'u Rwanda bari bitabiriye ibirori

CP Alex Mkama yari ayoboye itsinda ry'abahagarariye Tanzania

Abayobozi ba Polisi mu bihugu by'inshuti bitabiriye ibirori

Aba bapolisi bari bamaze amezi 11 bahabwa amahugurwa

Abapolisi 436 bahawe na Perezida Kagame ipeti rya AIP

Akarasisi gasigaye gakorwa mu Kinyarwanda

Ubwo abapolisi bari bari gukora akarasisi bageraga ahari kubera ibirori

Ibi birori byo gutanga ipeti rya AIP byahuriranye no kwizihiza imyaka 25 Polisi imaze

Perezida Kagame ubwo yari ageze ku kibuga cy'ahabereye ibirori byo gutanga ipeti ku bapolisi 436 no kwizihiza imyaka 25 ya Polisi y'u Rwanda

Mu bapolisi bashya barangije amahugurwa harimo n'abanyamahanga

Hagaragajwe ko hakenewe kubaka icyizere hagati y'abaturage n'abapolisi

Perezida Kagame agenzura amasibo y'akarasisi

Perezida Kagame ubwo yari ageze ku Ishuri ry'Amahugurwa rya Polisi rya Gishari

Abofisiye bato bashya bashimiwe ku murava n'umuhate bagaragaje

Abo ku ruhembe mu karasisi bagaragaje ubuhanga

Abarangije amasomo yabo harimo abagore 109

Akarasisi kari karyoheye amaso

Abapolisi bagaragaje ubuhanga budasanzwe mu gukora akarasisi imbere ya Perezida Kagame

Abagore muri Polisi y'u Rwanda bahabwa amahirwe angana n'abasaza babo

Intambwe ku yindi mu karasisi ifasha mu kudasobanya

Polisi y'u Rwanda igaragaza ko mu myaka 25 ishize yubatse ubushobozi burimo n'ibikoresho

Perezida Kagame yasabye abapolisi kwitegura kugendana n'aho Isi igeze

Perezida Kagame yasabye abapolisi kurangwa n'umurava

Abapolisi basabwe kwirinda kurya ruswa

Umuyobozi Mukuru w'Ishuri ry'Amahugurwa rya Polisi rya Gishari, CP Mujiji, yagaragaje ko ubumenyi buhatangirwa bufasha umuntu kuba umupolisi mwiza

Abapolisi basabwe kwicisha bugufi no kugira imyitwarire myiza

Abapolisi bashya 436 barangije amahugurwa yabo biganjemo abakiri bato

Umunyeshuri wahize abandi, Boaz Castro yambitswe umudali na Perezida Kagame

Umunyeshuri wahize abandi, Boaz Castro yambitswe umudali na Perezida Kagame

Abatwara moto banerekanye uko babigenza iyo baherekeje abayobozi bakuru

Imyiyereko ya moto yaryoheje ibirori biratinda

bateye isaluti bahagaze kuri moto ziri kugenda

Imyiyereko y'abatwara moto yaryoheje ibirori

Mu bagize itsinda ritwara moto harimo n'abagore bagaragaje ubuhanga

Umuntu umwe yagenderaga kuri moto ebyiri

Abatwara moto bageze aho bagenda bahagaze mu gushimangira ubufatanye

Abatwara moto bagenderaga no ku muvuduko udasanzwe

Perezida Kagame yasabye abapolisi kwicisha bugufi

Abapolisi basabwe kudasobanya muri byose

Abapolisi bashimangiye ko biteguye kuzuza inshingano

Perezida Kagame n'Umuyobozi Mukuru wa Polisi y'Igihugu, CG Felix Namuhoranye

Teddy Ruyenzi mu bofisiye bakuru bitabiriye ibi birori

Ababyeyi basabwe gukomeza gushyigikira abana babo mu nshingano za gipolisi

Polisi y'u Rwanda yiyemeje gukomeza gukorera hamwe n'abaturage

Umuvugizi wa Polisi y'u Rwanda, ACP Boniface Rutikanga, yasobanuye ko imyaka 25 yabaye iyo gukorera abaturage no gukorana nabo

Ababyeyi bemera ko abana babo bajya muri Polisi y'Igihugu bashimiwe

Abapolisi basabwe gukomeza kurangwa n'indangagaciro nzima

Ibyishimo by’ikirenga

Nyuma yo guhabwa ipeti n'umukuru w'igihugu bacinye akadiho

Buri wese yari afite ishimwe mu mutima ndetse anabigaragaza ku munwa

Baririmbye indirimbo zigaragaza ko polisi iganje mu ngeri zose

Bagaragaje ko bishimiye kuba muri Polisi y'u Rwanda kandi biteguye gutanga umusanzu

Abofisiye bashya babyinnye intsinzi ko barangije amasomo yabo abahesha ipeti rya AIP

Nyuma yo guhabwa ipeti rya AIP byari ibyishimo bikomeye

Abarangije amahugurwa yabo bishimanye

Amafoto: Kwizera Herve