Faida wayoboye abikorera mu Karere ka Nyamasheke yahitanywe na Covid-19

Yanditswe na Sitio Ndoli
Kuya 3 Mutarama 2021 saa 09:20
Yasuwe :
0 0

Faida Jean Marie Vianney wayoboye urugaga rw’abikorera mu karere ka Nyamasheke , agaharagararira abacukuzi b’amabuye y’agaciro mu ntara y’Iburengerazuba yitabye Imana azize Coronavirus.

Faida yayoboye urugaga rw’abikorera mu mwaka wa 2015 na 2018 ndetse muri 2013 akaba yari ahagarariye abakora umwuga wo gucukura amabuye y’agaciro mu ntara y’Iburengerazuba.

Amakuru agera ku IGIHE yemeza ko yahitanywe na Coronavirus tariki ya 2 Mutarama.
Uretse kuba yarabaye muri izo nzego , yari umwe mu bantu bagaragara mu bindi bikorwa by’iterambere ry’akarere ka Nyamasheke.

John Simparingabo umwe mu bamuzi yabwiye IGIHE ko bababajwe n’urupfu rwe kuko yarahaniye iterambere rya Nyamasheke ndetse akaba yarabaniye neza abahatuye.

Yakoze imirimo itandukanye irimo kuba umusirikare mu ngabo z’u Rwanda (RDF) no kuba rwiyemezamirimo mu bijyanye no gucukura amabuye y’agaciro mu Mirenge ya Cyato na Rangiro mu karere ka Nyamasheke.

Yitabye Imana akiri umuyobozi w’abacukura amabuye y’agaciro mu ntara y’Iburengerazuba.

Faida ashimirwa uruhare yagize mu iterambere ry'akarere ka Nyamasheke
Yitabye Imana akiri umuyobozi w'abacukuzi b'amabuye y'agaciro mu ntara y'Iburengerazuba

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .