Nk’uko bigaragara kuri twitter ya Ambasaderi wa Amerika mu Rwanda, Vrooman yarahijwe tariki 26 Werurwe 2018.

Mu butumwa yatanze, Vrooman yavuze ko yiteguye kuza gukorera mu Rwanda, aho azakomeza guteza imbere ubufatanye bw’ibihugu byombi, ibikorwa bye bikazibanda cyane ku burezi budaheza abafite ubumuga, ndetse no guteza imbere abagore n’abakobwa.

Uyu mugabo washyizwe kuri uyu mwaka tariki 26 Ukwakira 2017 yemezwa na sena muri Gashyantare uyu mwaka, yabaye imyaka myinshi muri Afurika, aho yakoze muri Ambasade ya Amerika muri Ethiopia ndetse akorera no mu bindi bihugu birimo Somalia na Djibouti na Algeria.

Peter Hendrick Vrooman wavukiye Canton muri New York, mu 1966 yashakanye na Johnette Iris Stubbs, bakaba bafitanye abana babiri.

Vrooman yarangije muri Kaminuza ya Havard, ibijyanye n’ubumenyi rusange mu 1988 ariko yanize ibya politiki i Paris mu Bufaransa mu Ishiri rikuri rya “Sciences Po” (Institut d’études politiques de Paris).

Yakoze nk’ushinzwe gutegura ingendo n’imbwirwaruhame z’Umunyabanga wa Leta ushinzwe ububanyi n’amahanga mu bigo bya Amerika kuva mu 1991 kugeza mu 1992, muri Djibouti n’ahandi.

Yanabaye Umuvugizi w’Ambasade ya Amerika i New Delhi mu Buhinde kuva muri Kanama 2011 - Gicurasi 2014, aho yavuye atangira akazi muri Ethiopia.

Peter Vrooman n'umugore we

Peter Vrooman yarahiriye kuba Ambasaderi wa Amerika mu Rwanda