00:00:00 IGIHE NETWORK KN KINYARWANDA EN ENGLISH FR FRANCAIS

Abitabiriye inama ku burenganzira bwa Muntu muri Commonwealth bunamiye abazize Jenoside (Amafoto)

Yanditswe na Akayezu Jean de Dieu
Kuya 17 June 2022 saa 03:41
Yasuwe :

Abitabiriye inama yahuje abayobora Ihuriro rya za Komisiyo z’Uburenganzira bwa Muntu mu Muryango w’Ibihugu bikoresha ururimi rw’Icyongereza, Commonwealth, basuye Urwibutso rwa Jenoside rwa Kigali ruri ku Gisozi, basobanurirwa amateka ya Jenoside yakorewe Abatutsi mu 1994.

Aba bayobozi barenga 60 bateraniye i Kigali baganira ku cyakorwa ngo uburenganzira bw’abaturage b’uyu muryango bwubahirizwe muri ibi bihe by’icyorezo cya Covid-19 na nyuma yacyo.

Iyi nama ibaye mu gihe habura iminsi itatu ngo u Rwanda rwakire Inama Nkuru ya Commonwealth, ifite insanganyamatsiko igira iti “Uburenganzira bwa muntu kuri bose ku isonga mu bikorwa bigamije kwiyubaka mu gihe cya COVID-19 na nyuma.”

Ku munsi wa kabiri w’iyi nama, ni bwo basuye Urwibutso rwa Joside rwa Kigali.

Nyuma yo gusobanurirwa amateka mabi yaranze u Rwanda ari nayo yagejeje Jenoside yakorewe Abatutsi mu 1994, basobanuriwe uko FPR Inkotanyi yongeye kubaka igihugu no kongera kubaka ubumwe bw’Abanyarwanda.

Aba bashyitsi banashyize indabo ku mva zishyinguyemo imibiri y’Abatutsi bazize Jenoside yakorewe Abatutsi baruhukiye kuri uru Rwibutso.

Bari baherekejwe na Perezida wa Komisiyo y’Uburenganzira bwa Muntu mu Rwanda, Marie Claire Mukasine na Baroness Kishwer Falkner wari umaze imyaka ine ayobora ihuriro rya za Komisiyo z’Uburenganzira bwa Muntu muri Commonwealth.

Abayobozi bashinzwe kurengera uburenganzira bwa muntu baturutse mu bihugu bigize Commonwealth
Baroness Kishwer Falkner yashenguwe n'ibyabaye muri Jenoside yakorewe Abatutsi
Perezida wa Komisiyo y’Uburenganzira bwa Muntu mu Rwanda, Marie Claire Mukasine yunamiye abazize Jenoside yakorewe Abatutsi
Basobanuriwe amateka ya Jenoside yakorewe Abatutsi mu 1994
Bashyize indabo ku mva ziruhukiyemo inzirakarengane zazize Jenoside yakorewe Abatutsi mu 1994

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .