Abanyamategeko bo muri Amerika barashaka kuza gukurikirana urubanza rwa Rusesabagina

Yanditswe na IGIHE
Kuya 19 Nzeri 2020 saa 09:42
Yasuwe :
0 0

Urugaga rw’abanyamategeko muri Leta Zunze Ubumwe za Amerika rurateganya kohereza itsinda ry’abanyamategeko bazakurikiranira hafi urubanza rwa Paul Rusesabagina ufungiye i Kigali akekwaho ibyaha by’iterabwobwa.

Kuri uyu wa Kane tariki 17 Nzeri nibwo Urukiko rw’Ibanze rwa Kicukiro rwategetse ko Rusesabagina afungwa mu gihe cy’iminsi 30 kandi agafungirwa muri gereza, nyuma y’uko bigaragaye ko hari impamvu zikomeye zituma akekwaho ibyaha 13 birimo iby’iterabwoba ashinjwa.

Mu itangazo iryo huriro ry’abanyametegeko muri Amerika bashyize hanze kuwa Gatatu, bavuze ko bazakomeza gukurikirana urwo rubanza kugira ngo barebe niba rukurikiza amahame mpuzamahanga.

Bagize bati “u Rwanda rwasinye ku masezerano yo kubahiriza uburenganzira bwa muntu n’ubwa politiki. Kubera ayo masezerano, rugomba guharanira ko Rusesabagina abona ubutabera bwuzuye burimo kunganirwa n’abanyamategeko yihitiyemo ndetse no gufatwa nk’umwere igihe atarahamwa n’icyaha.”

Urwo rugaga rwavuzwe ko ruzohereza itsinda rizakurikirana imigendekere y’urubanza, kugira ngo bagenzure niba rwubahirije amahame mpuzamahanga.

Rusesabagina n’umuryango we bafite ibyangombwa bimerera kuba muri Leta Zunze Ubumwe za Amerika. Bafite kandi ubwenegihugu bw’u Rwanda n’u Bubiligi.

Ubwo Rusesabagina yasomerwaga umwanzuro ku ifungwa n’ifungurwa, mu rukiko hari harimo abantu bake barimo n’abakozi ba Ambasade ya Amerika mu Rwanda.

Mu gihe hari abanyamategeko mpuzamahanga baje kunganira umuntu mu Rwanda, bagomba guhabwa uburenganzira n’urugaga rw’abanyamategeko mu Rwanda.

Rwanda Today dukesha iyi nkuru yatangaje ko bataramenya niba hari ubusabe abo banyamategeko bashaka kuza gukurikirana urubanza rwa Rusesabagina basabye mu rugaga, kuko urugaga rutabitangaje.

Rusesabagina aregwa ibyaha 13 birimo iby’iterabwoba, gusa ubwo yabazwaga niba abyemera, yanze kugira icyo avuga kuri buri cyaha ahubwo abwira umucamanza ko yabisubijeho kimwe ku kindi ubwo yabazwaga mu Bugenzacyaha no mu Bushinjacyaha.

Yavuze ko yicuza ibikorwa byakozwe na FLN byo kwica abaturage mu turere twa Nyaruguru ndetse ko yabisabiye imbabazi abagizweho ingaruka nabyo n’igihugu muri rusange.

Rusesabagina yunganirwa n'abanyamategeko babiri b'abanyarwanda yihitiyemo

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .