Ni igikorwa cyabereye i Paris ku wa Gatanu, tariki ya 12 Nyakanga 2024, cyitabirwa na bamwe mu banyapolitiki mu Bufaransa, Abanyarwanda batuye muri iki gihugu ndetse barimo abakozi ba Ambasade y’u Rwanda mu Bufaransa.

Ambasaderi w’u Rwanda mu Bufaransa, François Nkulikiyimfura, yashimiye abitabiriye iki gikorwa, ati “Mwakoze Abanyarwanda mutuye mu Bufaransa ndetse na bagenzi banjye mu nzego z’ubuyobozi, kuba mwaje kwifatanya kwishimira imyaka 30 ishize u Rwanda rwibohoye.”

“Ni intambwe ifite agaciro mu mateka yacu, igaragaza imbaraga, ubumwe ndetse no gushimangira Ubunyarwanda.”

Abakinnyi umunani, abatoza babo ndetse n’abandi babaherekeje mu rugendo rwo kwitwara neza mu mikino Olempike izabera mu Bufaransa bishimiye kwizihiza Umunsi wo Kwibohora.

Imikino Olempike izatangira kuva tariki ya 26 Nyakanga, igeze ku ya 11 Kanama 2024.

Abakinnyi bazitabira imikino ya Olempike bitabiriye umuhango wo kwizihiza Umunsi wo Kwibohora

Abakinnyi bifatanyije n'inshuti z'u Rwanda zituye mu Bufaransa

Umunyamabanga Mukuru w’Umuryango Mpuzamahanga w’Ibihugu bikoresha ururimi rw’Igifaransa, OIF, Louise Mushikiwabo yari mu bitabiriye ibi birori

Ambasaderi w’u Rwanda mu Bufaransa, François Nkulikiyimfura, yashimye abitabiriye iki gikorwa ko bigaragaza Ubunyarwanda

Abana bato bakura bigishwa gukunda u Rwanda

Abayobozi batandukanye bari mu bizihije kwibohora k'u Rwanda

Louise Mushikiwabo ari mu bitabiriye umunsi wo kwizihiza imyaka 30 ishize u Rwanda rubohowe

Byari ibirori ubwo hizihizwaga Umunsi wo Kwibohora mu Bufaransa