Kamwe mu duce dutuwe cyane kandi twihagazeho muri Kigali, ni Kimironko. Ni agace ubu gatuwe n’abifite, gafatwa nk’izingiro ry’abantu baturuka ahantu henshi baba Kabuga, Bumbogo, Kinyinya n’ahandi, kuko hari gare ikoreshwa cyane n’isoko ribonekamo ibintu byinshi.

Kuva mu myaka ishize, raporo y’Urugaga rw’Abagenagaciro ku Mutungo Utimukanwa mu Rwanda (IRPV) zakomeje kwerekana ko Umurenge wa Kimironko ari wo wa mbere wari ufite ubutaka buhenze, nk’uko imibare yo kugeza mu 2019 yabyerekakanaga.

Icyo gihe imibare yerekanye ko igiciro cyo hejuru cy’ubutaka muri Kimironko cyari 169,676 kuri metero kare, nk’igiciro cyarutaga ibindi mu myaka ya 2015-2017.

Icyakora ibintu bisa n’ibyahindutse kuko imibare yo mu 2021 yerekana ko ubutaka buhenze cyane ushobora kubusanga mu Karere ka Gasabo mu Murenge wa Kimihurura mu Kagali ka Kimihurura mu mudugudu wa Mutara, ushobora kubugura kuri 140,090 Frw kuri metero kare.

Muri Kimironko, mu Kagari ka Kibagabaga mu Mudugudu w’Agasharu, ubutaka bwo guturaho kuri metero kare ni 76,544 Frw.

Mu ikusanyamibare, byagaragaye ko ibintu by’ingenzi bigira ingaruka ku gaciro k’ubutaka ni aho ubutaka buherereye; uburyo ubutaka bugerwaho yaba imihanda yose ndetse no gutwara abantu muri rusange n’ubucucike bw’abatuye hafi y’ubutaka.

Ibyo byiyongeraho ibipimo ndangamimerere y’ubutaka; icyo ubutaka bukoreshwa n’icyo buteganyirijwe gukoreshwa; uko bwegereye ibikorwa remezo nk’amashuri, amavuriro, amazi, umuriro n’amasoko cyangwa uko bwegereye imigezi n’ibiyaga.

Bamwe mu baturage baganiriye na IGIHE bahamya ko Kimironko ari agace kugeza ubu byoroshye ko kagenda bitewe n’umurongo w’imodoka rusange zerekezayo, hakaba amashuri menshi, isoko ribamo ibintu byinshi umuntu yakenera.

Umwe mu bagenagaciro Louis Harelimana, yabwiye IGIHE ko mu bijyanye n’ubutaka, Kimironko iza mu duce twa mbere duhenze muri Kigali.

Yagize ati "Ahahenze cyane ni za Gacuriro, Rebero, ubundi ukareba hano za Kimironko, ahandi harimo gutera imbere ni mu Murenge wa Kigali."

"Nka Kimironko wayishyira nko ku mwanya wa gatatu urebye ukuntu igiciro cy’ubutaka bwaho buba buzamuka, kandi ukareba n’ukunntu abantu baba bashaka kuhatura."

Ibi ni bimwe mu bice bigize Kimironko, kamwe mu duce dutuwe n’abifite utaretse n’abandi bashakisha.

Izi nyubako uzisanga kwa Rwahama, ku muhanda ukomeza ugana Kimironko cyangwa ukamanuka ujya kuri Gare ya Remera

Izi nyubako zibonekamo cyane ibikoresho by'ubwubatsi nk'amatara, amakaro n'ibindi byinshi

Aka gace kazwi nko kwa Rwahama

Iyo uvuye ahazwi nko kwa Rwahama, iyi gorofa uyinyuraho ugahita ugera ku ishami rya Kaminuza y'u Rwanda ryigisha ubuvuzi, ahahoze hitwa KIE ubwo higiraga abazavamo abarimu

Mu marembo ya Kaminuza y'u Rwanda, ahahoze hitwa KIE. Inyuma yaho ni ho hakorera Ikigo gishinzwe uburezi, REB

Igihozo Supermarket ni iguriro rinini, ribamo ibintu byinshi

Iyi gorofa igaragara Kimironko ikoreramo Simba Supermarket, ivuriro ry'amaso n'ibindi

Sitasiyo y'ibikomoka kuri peteroli ya Engen uyigeraho mbere yo kwinjira muri gare cyangwa gukomeza umuhanda ugana i Bumbogo mu Karere ka Gasabo, cyangwa mu cyanya cyahariwe inganda

Izi modoka zerekeza mu bice birimo Nyanza ya Kicukiro

Muri gare ya Kimironko uhasanga abantu batanga serivisi z'itumanaho za MTN, cyangwa bonger amafaranga ku makarita y'ingendo

Ku isoko rya Kimironko uhasanga ibintu byinshi

Kimironko ifite inzu zigezweho, zigaragaza ko ari agace gatuwe n'abifite

Imiterere ya gare ya Kimironko uyirebeye hejuru, ku ruhande hakaba inyubako nyishi z'isoko

Kimironko ku gice cyo hejuru hararambuye, ku buryo ubona ibintu byinshi

Iyo ugeze Kimironko ugasubiza amaso inyuma, ubona inyubako nyinshi kandi nziza, zirimo iyahoze ari KIE, ku ruhande rw'iburyo

Kimironko ni kamwe mu duce dutuwe cyane mu Mujyi wa Kigali, ndetse dukodeshwamo n'abatari bake

Iki gice ubona iyo ugiye muri imwe mu magorofa maremare yaho, kigaragaramo Le Printemps Hotel n'inyubako zegereye umuhanda ugana i Kibagabaga

Izi nyubako z'ubucuruzi ni zimwe mu zo usanga i Kimironko, agace gatuwe cyane kandi neza

Iyi Kiliziya ni iya Paruwasi ya Remera, izwi nka Regina Pacis

Kimironko ni rimwe mu masoko manini aboneka mu Mujyi wa Kigali

Isoko rya Kimironko ribonekamo imboga z'amoko yose

Mu isoko rya Kimironko habamo ibintu byinshi birimo imboga n'ibindi biribwa bitandukanye

Muri iri soko wanahahiramo akaboga

Aha ni hamwe mu harangurirwa ibicuruzwa byinshi muri Kimironko, bijyanwa mu maduka mato hirya no hino

Izi nyubako z'ubucuruzi ziteganye n'isoko rya Kimironko

Iyi ni imwe mu nzu nshya z'ubucuruzi, iheruka kubakwa ahateganye n'isoko rya Kimironko

Iri shuri ryigisha ubumenyi ngiro, by'umwihariko ibijyanye n'amahoteli

Uvuye ku isoko rya Kimironko werekeza i Bumbogo, ugenda ubona inzu zigezweho

Aha hazwi nko kwa Mushimire, hakaba ahantu usanga ibikorwa bitandukanye by'ubucuruzi

Ibi ni ibiro by'Umurenge wa Kimironko

Inyubako zirimo 'appartement' zikomeje kuzura ubutitsa

Ahazwi nko Ku Masangano uhasanga ibikorwa byinshi birimo amavuriro nka Beri Clinic na Kigali Medical Center

Iri soko rito (bamwe bahita ku gasoko), ryuzuye ahateganye neza na gereza

Mu marembo y'iyahoze ari Gereza ya Kimironko. Ubu ntigikoreshwa, abari bafungiwemo bimuriwe muri gereza ya Nyarugenge mu 2017

Iki ni igice kimwe cy'iyahoze ari Gereza ya Kimironko

Uru rusengero rwa EAR urugeraho umanukiye ahahoze gereza

Iyi gorofa yuzuye ahazwi nko mu i Zindiro, agace mu myaka mike ishize kasaga nk'icyaro

Iyo ugeze mu i Zindiro uhasanga agakiriro kabamo ibintu byinshi bikozwe mu mbaho

Izi nyubako ni iz'ahazwi nko kwa Nayinzira, agace kitiriwe Nayinzira Jean Nepomuscene wiyamamarije kuba Perezida mu 2003

Izi nyubako uzigeraho urenze ahazwi nko kwa Nayinzira, ugana mu cyanya cyahariwe inganda cyangwa kuri Kaminuza za ALU, Carnegie Mellon, uruganda rwa AZAM n'ahandi

Iyi nyubako ikoreramo BPR inyuma, ahandi hagakorera ibigo byinshi by'ubucuruzi

Inzu zigezweho z'ubucuruzi zimaze kuba nyinshi

Iri vuriro riherereye munsi ya gare ya Kimironko

Aka gace gaherereye munsi ya gare ya Kimironko, umanuka ugana i Nyagatovu

Abamotari bafite inzu bogerezaho moto, ruguru gato y'irimbi

Mu duce tumwe inyubako ziracyateye zityo

Imiturire iri ku murongo, nubwo imihanda yose itarageramo kaburimbo

Isoko rya Nyagatovu riganwa na benshi mu barituriye kuko ribonekamo ibintu byinshi bishoboka

Abagwije ifaranga batuye neza, ariko nawe wahatura kuko ibibanza buracyahari

Kimironko ituwe n'ibyiciro byose. Uzahasanga abaherwe ku ruhande rumwe, n'abagishakisha ku rundi ruhande

Iri ni irimbi rimaze igihe kinini rikoreshwa, i Nyagatovu

Iyo ugeze ahitwa i Nyagatovu, uhasanga isoko ririmo ibintu byinshi

Kwa Rwahama uhasanga ibikorwa byinshi by'ubucuruzi, byaba iby'ubwishingizi, ariko cyane cyane ubwubatsi

Inzu zo muri Kimironko zinogeye ijisho

Muri aka gace, zimwe mu nzu ziracyakoreshwa nk'ibyapa byamamaza

Imihanda myinshi igenda ishyirwamo kaburimbo

Muri Kimironko hari inzu zo guturamo zashowemo menshi

Igice cya Kimironko ucyitegereje uhagaze ahazwi nko kwa Nayinzira

Amafoto: Shumbusho Djasiri