Ifoto y’umunsi: Urwibutso ku myitozo ikakaye y’ingabo z’u Rwanda

Yanditswe na Iradukunda Serge
Kuya 15 Kanama 2020 saa 08:21
Yasuwe :
0 0

Abanyarwanda benshi bifuza kumenya impanuro n’imyitozo ihabwa ingabo zabo ku buryo zikomeza kuba intangarugero uko imyaka ije indi igataha, n’ubwo babyifuza si kenshi babasha kubibona.

IGIHE yifashishije urubuga rwa Flickr ya Minisiteri y’Ingabo yahisemo kubageza imwe mu myitozo ihabwa abasore n’inkumi kugira ngo binjire mu ngabo z’u Rwanda.

Aya mafoto yiganjemo ayafashwe ku wa 29 Werurwe 2019 ubwo RDF yakiraga abasirikare bashya bari barangije imyitozo yabo mu kigo cya Nasho mu karere ka Kirehe.

Aya mafoto agaragaza imyitozo itandukanye ihabwa ingabo z’u Rwanda irimo ibafasha kuba bagaba ibitero baturutse mu mazi, kurwana nta ntwaro, kumanukira ku migozi no kurira ahantu harehare.

Ubwo basozaga imyitozo, Gen Patrick Nyamvumba wari umugaba mukuru w’Ingabo icyo gihe, yabasabye kurangwa n’ikinyabupfura kugira ngo bazabashe gusohoza inshingano zabo neza ndetse abereka ko yashimishijwe n’ubumenyi bafite mu bijyanye n’imikino njya rugamba no gukoresha intwaro.

Batozwa uburyo bashobora kugaba ibitero binyuze no mu mazi
Mu myitoza bahabwa harimo n'iyo kumanukira ku migozi
Abasirikare ba RDF kandi bigishwa kugendera ku bintu bifite ubuso buto
Bahabwa imyitozo ikomeza umubiri wabo
Abasore n'inkumi bahabwa imyitozo izabafasha gusohoza neza inshingano zabo
Abasirikare ba RDF bahabwa imyitozo ikakaye
Bigishwa kurashisha imbunda zitandukanye
Bigishwa no kurwana nta ntwaro
Batozwa kuba bagendera ku mugozi igihe bibaye ngombwa
Bigishwa gutera umwanzi bamutunguye

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .