00:00:00 IGIHE NETWORK KN KINYARWANDA EN ENGLISH FR FRANCAIS

Ifoto y’Umunsi: Minisitiri Gatabazi yatuye ituro ryo gushimira Imana kuri Asomusiyo i Kibeho

Yanditswe na Prudence Kwizera
Kuya 15 August 2022 saa 02:47
Yasuwe :

Minisitiri w’Ubutegetsi bw’Igihugu, Gatabazi Jean Marie Vianney, yitabiriye Umunsi Mukuru w’Ijyanwa mu Ijuru rya Bikira Mariya uzwi nka Asomusiyo kuri uyu wa Mbere i Kibeho mu Karere ka Nyaruguru.

Uyu munsi witabiriwe n’abantu babarirwa mu bihumbi baturuka imihanda yose y’Isi biganjemo abakirisitu Gatolika.

Minisitiri Gatabazi yafotowe agiye gutura ashimira Imana ndetse anabyina yishimanye n’abandi bakirisitu. Yari aherekejwe n’abarimo umugore we ndetse n’umwana wabo w’umukobwa.

Igitambo cya Misa cyo kwizihiza uyu munsi cyayobowe na Musenyeri wa Diyoseze ya Gikongoro, Hakizimana Célestin.

Witabiriwe n’Intumwa ya Papa mu Rwanda, Musenyeri Arnaldo Sanchez Catalan; Senateri Havugimana Emmanuel; Umuyobozi w’Akarere ka Nyaruguru, Murwanashyaka Emmanuel n’abandi.

Ijyanwa mu Ijuru rya Bikira Mariya ryemejwe na Papa Piyo XII ku wa 1 Ugushyingo 1950. Muri Bibiliya, igice cy’Isezerano rya Kera n’Irishya ntaho bivuga ko yaba yarajyanywe mu Ijuru ariko ibindi bitabo bitagatifu bya Kiliziya Gatolika birabyemeza.

Kiliziya Gatolika yemeje ko Bikira Mariya yabonekeye abakobwa batatu bigaga i Kibeho mu ishuri ryisumbuye kuva tariki 28 Ugushyingo 1981 no mu 1982 aho bagiye baganirizwa inshuro zirenze imwe na Bikira Mariya.

Hari hashize imyaka ibiri Asomusiyo itizihizwa neza kubera ingamba zo kwirinda icyorezo cya Covid-19.

Minisitiri Gatabazi yatuye ituro ryo gushimira Imana kuri Asomusiyo i Kibeho. Yari aherekejwe n'umugore we
Minisitiri Gatabazi aha yari amaze gutanga ituro muri misa yayobowe na Musenyeri wa Diyoseze ya Gikongoro, Hakizimana Célestin
Umunsi wa Asomusiyo ufatwa nk'uwo abakirisitu Gatolika bazirikana ijyanwa mu Ijuru rya Bikira Mariya

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .