Ifoto y’umunsi: Imiterere y’ingagi

Yanditswe na Niyonzima Moïse
Kuya 5 Nzeri 2019 saa 08:52
Yasuwe :
0 0

Ingagi ni inyamaswa imeze kimwe n’umuntu, gusa ibyo itandukaniyeho nawe bingana na 2%, bisobanuye ko ahantu henshi zimeze kimwe n’umuntu.

Umufotozi wa IGIHE, Niyonzima Moise, yasuye ingagi zo mu muryango wa Sabyinyo muri Pariki y’Ibirunga ugizwe n’ingagi 17, abasha gufata amwe mu mafoto agaragaza imiterere y’ingagi.

Ingagi ifite ibirenge bimeze kimwe n’iby’umuntu, amano, inzara n’ibindi. Ifite amenyo angana n’ay’umuntu kuko inkuru igira 32 kimwe n’umuntu.

Ni amenyo abasha guhangana n’ibyatsi zirya umunsi ku wundi. Ubusanzwe ingagi ikuze y’ingabo ishobora gupima ibiro nibura 220, naho ingore ikagira 97.7.

Ingore nizo zigera mu gihe cyo kuba zabyara mbere y’ingabo kuko zo bizifata nibura imyaka icumi mu gihe ingabo zo ari gake bibaho mbere y’imyaka 15 na 20.

Ingagi y’ingore imara amezi umunani n’iminsi 15 itwite, aho nibura mu kwezi iba ifite iminsi yo kuba yasama mu gihe ihuye n’ingabo kandi buri myaka ine nibura ishobora kubyara rimwe. Ifite ubushobozi bwo kubyara imbyaro umunani mbere y’uko isaza.

Iyo ibyaye iba izi abana bayo ku buryo ibonsa hanyuma ikabaheka mu mugongo igiye ahandi. Umuryango uba ufite umutware kandi ingore zose ziba ari izayo, indi y’ingaho iyo ishatse ingore irivumbura igakora umuryango wayo, gutyo gutyo.

Ingagi zirya amoko arenga 200 y'ibyatsi
Mu kanwa kazo hameze kimwe nk'ah'umuntu
Ingagi y'ingore ishobora gupima nibura ibiro bigera ku ijana
Uku niko urwasaya rw'ingagi rumera
Uko ingagi ikura itangira gupfuka ubwoya mu gice cyo ku mutwe
Amano yazo ntaho atandukaniye n'ay'umuntu
Ingabo igera mu gihe cyo kororoka nyuma y'ingore kuko yo ni gake ibigeraho mbere y'imyaka iri hagati ya 15 na 20

Amafoto: Niyonzima Moise


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza