00:00:00 IGIHE NETWORK KN KINYARWANDA EN ENGLISH FR FRANCAIS

Gasogi United yanyagiye Police FC, Kiyovu SC igorwa na Bugesera FC

Yanditswe na Mihigo Saddam
Kuya 8 May 2022 saa 06:34
Yasuwe :

Gasogi United yanyagiye Police FC ibitego 3-0 mu mukino w’umunsi wa 26 wa shampiyona wakinwaga kuri iki Cyumweru tariki 8 Gicurasi 2022.

Ibitego bya Gasogi United byatsinzwe na Armel Gyslain ku munota wa 12, Nsengiyumva Moustapha ku munota wa 43 mu gihe icya gatatu cyatsinzwe na Yamini Salum ku munota wa 75.

Umutoza mukuru wa Gasogi United Mbarushimana Shaban, yari yakoresheje abakinnyi be bose ntawe yasize naho ku ruhande rwa Police FC, Frank Nuttal we yari yahisemo gukoresha abakinnyi b’ikipe ya kabiri.

Abakinnyi ba Police FC bakinaga ubona bagorwa no gukora amakosa make imbere y’izamu rya Gasogi United. Ugusimbuza kwabayeho ku ikipe ya Police FC nta gishya cyabaye kuko ni Danny Usengimana winjiye bashaka igitego.

Abakinnyi ba Gasogi United barimo Armel Gyslain na Nsengiyumva Moustapha ni bamwe mu bazonze ubwugarizi bwa Police FC.

Amanota atatu Gasogi United yabonye yatumye igira amanota 27 mu mikino 29 mu gihe Police FC ifite amanota 36.

Umukino wabanje, ikipe ya Kiyovu SC yanganyije na Bugesera FC 0-0 mu gihe Etoile de l’Est yatsinze Marines ibitego 2-0.

Mu mukino wahuje Kiyovu SC na Bugesera FC, Myugariro w’ibumoso muri Kiyovu SC, Dusingizimana Gilbert yahawe ikarita itukura.

Kugeza ubu APR FC iri ku mwanya wa mbere n’amanota 60, Kiyovu SC ni iya kabiri n’amanota 57.

Gicumbi FC iri ku mwanya wa nyuma n’amanota 17 mu mikino 26. Etoile de l’Est ni iya 15 n’amanota 20.

Gasogi United yabonye amanota atatu y'umunsi
Police FC yakinaga n'imibare yo guhura na AS Kigali mu gikombe cy'Amahoro
Uwikunda Samuel ni we wari umusifuzi w'umukino
Bugingo Hakim ni we uri gufasha ikipe ya Gasogi United inyuma ahagana ibumoso
Gasogi United yagize amanota 27 mu mikino 26
Armel Gyslain yazonze Police FC muri uyu mukino
Armel Gyslain aragenda atera intambwe uko shampiyona irangira
Uwimbabazi Jean Paul undi mukinnyi wari umwanya wo kubanza mu kibuga
Nseniyumva Moustapha yahuraga na Police FC yanyuzemo
Myugariro wa Bugesera FC, Muhinda Brian wakiniye amakipe atandukanye arimo Sunrise Fc na Police FC
Mugenzi Cedric Ramires ukina ku ruhande asatira
Mugenzi Bienvenu ahanganye na Muhinda Bryan mu mukino wa Kiyovu SC 0-0 Bugesera FC
Bugesera FC yatumye Kiyovu SC ijya mu mibare igoye

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .