Iyi nyubako ni imwe mu bigize icyiciro cya mbere cy’Umushinga wa Kigali Golf Resorts & Villas, iri ku rwego rwo hejuru kuko ifite ubushobozi bwo kuba yakwakira ibikorwa byose bigendanye n’umukino wa Golf.

Uyu mushinga ntugizwe n’ikibuga cya Golf gusa ahubwo harimo n’indi mikino nka Tennis, umuhanda wo kwirukiraho (running trail), Piscine, Club House irimo imyambaro y’abakinnyi, inkoni za Golf, ibikapu bya Golf, ikagira ahakorerwa indi myitozo ngororamubiri ‘Gym’, aho gufatira amafunguro n’ibindi.

Imirimo yose yamaze kurangira n’abakinira Golf kuri iki kibuga bahawe uburenganzira bwo kuba bayikoresha. Ni inzu ishobora kuberamo inama zitandukanye ariko zidahuza abantu benshi.

Urubyiruko rutandukanye rwahawe imirimo yo gufasha abayiruhukiramo bamaze gukina cyangwa mu gihe habereye ibirori bigendanye n’umukino wa Golf nko gutanga ibihembo n’ibindi.

Ikigo cyigenga cyashyizweho ngo gicunge uyu mushinga cya Rwanda Ultimate Golf Course (RUGC) n’izindi komite ziyifasha, byagaragaje ko kugaruza amafaranga agera kuri miliyoni 140$ azashorwa muri iyi mishinga yose azagaruzwa mu gihe kirekire.

Biteganyijwe ko mu gihe icyiciro cya kabiri cyawo kirimo inzu zizengurutse ikibuga, hoteli ikomeye n’ibindi bikorwa bizaba birangiye, amafaranga yashowe muri uyu mushinga azatangira kugaruzwa ku kigero cya 13% buri mwaka mu myaka 15.

Amafoto ya Club House

Ku marembo ya Kigali Golf and Resorts & Villas hatatseho ikirango cyayo

Inzira yinjira mu kibuga yatunganyijwe neza

Ukinjira mu marembo ugera ahagenewe ibikorwa byo gusaka abinjira mu kibuga

Hubatswe inzira ziva mu kibuga zerekeza muri Club House

Ni inyubako iri ku rwego mpuzamahanga

Abanyamahanga batuye mu Rwanda na ba mukerarugendo bari mu bakunda kuba bari kuri iki kibuga

Club House yatangiye kwakira ibikorwa bimwe na bimwe bigendanye na Golf

Iyo uri mu kibuga uba witegeye iyi nyubako

Club House ikoreshwa n'abakinnyi ba Golf baruhuka

Uri mu kibuga aba yitegereza ubwiza bwa Club House

Imirimo yo kubaka yose yararangiye

Club House ifite parikingi yajyamo imodoka zihagije

Club House iherereye i Nyarutarama mu nkengero z'ikibuga

Abakina Golf bahawe ikaze muri Club House

Amarembo yinjira muri Club House

Iyo umaze kwinjira muri Club House usanganirwa n'imitako iteye amabengeza

Utegereje kwakirwa aba afite umwanya wamuteganyirijwe

Umwanya w'ahakirirwa abagana Club House

Abari mu igorofa ryo hejuru na bo baba bitegeye ikibuga

Ibaraza ryubatswe mu buryo bugezweho

Urubaraza rwa Club House rushobora kwakira n'ibirori

Hateganyijwe ahantu hahagije umukinnyi wa Golf ashobora kwicara nyuma yo gukina

Piscine yubatse hejuru y'inyubako

Ni inyubako igizwe n'igorofa rimwe

Ifite amatara atuma n'uri kure yayo abasha kuyibona

Umukinnyi wa Golf cyangwa undi wese ashobora kujya koga muri piscine kuko yateganyijwe

Club House irimo 'Gym' irimo ibikoresho byose

Uri muri 'Gym' aba areba mu kibuga

Ni inzu irimo n'icyumba cy'inama

Club House yubakanywe uruganiriro rwiyubashye

Ibikoresho bisabwa muri 'Gym' birimo kandi birafunguye ku bakinnyi ba Golf

Ibikoresho bisabwa muri 'Gym' birimo kandi birafunguye ku bakinnyi ba Golf

Club House yubakanywe uruganiriro rwiyubashye

Ni inzu irimo n'icyumba cy'inama

Abasobanukiwe umukino w'igisoro bashobora gukina kuko umwanya wabo wateganyijwe

Aho abakina igisoro bicara bakabuguza

Aho umuntu ashobora kuruhukira hegereye aho yabona abamwakira n'ibyo bamwakiriza

Abakeneye gukora inama bashobora kujya kwifashisha Club House

Aho kuganirira ni uku hateye

Ni inzu ishobora kwakira abantu benshi

Mu gihe umuntu afata icyo kunywa ashobora kureba indi mikino

Hashize igihe gito Club House yuzuye. Nubwo itaramurikwa ariko iha ikaze abagana iki kibuga

Aho ugeze hose usanganirwa n'imitako

Ibyo kunywa bitandukanye biba birimo amasaha yose

Ni inyubako iba ituje bigendanye n'uko inzu za Golf ziba zubatse

Uri kuri piscine aba ashobora kureba mu kibuga akaba yakurikirana umukino

Mu masaha ya nijoro ni uko Piscine iba igaragara

Nyuma yo kuzura kwa Club House, hateganyijwe gutangira icyiciro cya kabiri cy'umushinga wa Kigali Golf Resorts & Villas

Club House n'ibindi bikorwa bya Kigali Golf Resorts & Villas bizagaruza amafaranga yashowe mu myaka 15 iri imbere

Iruhande rwayo hatewe ibiti byongera amafu

Mu masaha y'ijoro, Club House iba ifite umucyo uhagije

Inzira zegereye inzu zifite amatara afasha abajya n'abava muri Club House

Iyi nyubako izongera agaciro mu nzira yo guteza imbere ubukerarugendo bushingiye ku mikino

Abayobozi ba RUGC basigaye bakorera inama muri Club House

Amafoto: Kigali Golf Resorts & Villas