Ni akarere kari ku muvuduko wihuse cyane bitewe n’ibikorwaremezo byinshi biri ku kubakwamo.

Ku bantu badaheruka gusura aka karere kuri ubu ni kamwe mu tumaze kubakwamo ibikorwaremezo byinshi nyuma y’uko gashyizwe mu turere twunganira Umujyi wa Kigali.

Mu bikorwaremezo byubatswe harimo imihanda, hoteli, amashuri, amavuriro n’inganda zatumye gahinduka mu buryo bugaragara.

Umujyi wa Nyagatare wubatswemo imihanda ya kaburimbo ireshya na kilometero zirenga 25 kongeraho indi igiye ishamikiyeho nk’umuhanda Nyagatare-Ryabega ureshya na kilometero 11, umuhanda wa Nyagatare-Kagitumba, Nyagatare-Tabagwe-Karama.

Hari kandi imihanda ya Nyagatare-Gicumbi yose yatumye aka Karere karushaho kugira ubwiza bikanafasha abaturage kugera ku iterambere.

Kuri ubu habarizwa Kaminuza ebyiri zirimo iy’u Rwanda ishami rya Nyagatare ndetse na Kaminuza ya East Africa University zatumye abafite inzu zikodeshwa zibona abakiliya ndetse binongera urujya n’uruza muri uyu Mujyi.

Icyanya cya Gabiro Agri business Hub, uruganda rukora amata y’ifu rwa Inyange, uruganda rukora amakaro, ibiro by’Akarere ka Nyagatare bishya n’ibindi bikorwa bitandukanye byubatswe ni bimwe mu byatumye hagaragara impinduka zifatika.

IGIHE yabateguriye amwe mu mafoto agaraza impinduka zigaragara zazanwe n’iterambere mu Mujyi wa Nyagatare ndetse na bimwe mu bikorwaremezo byatumye aka Karere gahinduka mu buryo bugaragara.

Aha ni mu masangano y'imihanda ahari umuhanda uva mu Karere ka Gicumbi ugahura n'undi uva mu Karere ka Nyagatare

Amashuri agezweho ari kwiyongera muri Nyagatare

Imihanda yo muri Nyagatare ni umurambi

Stade y'Akarere ka Nyagatare ifasha ikipe y'aka Karere mu kwakira imikino itandukanye Nyagatare FC

Stade ya Nyagatare ifasha abaturage bo muri aka Karere mu mikino inyuranye

Ryabega ahari umuhanda ukomeza Kagitumba n'undi ukomeza mu Mujyi wa Nyagatare

Nyagatare habarizwa inka nziza z'Inyambo

Iri soko usangamo ibicuruzwa birimo ibyavuye muri Uganda

Isoko rya Nyagatare ni rimwe mu rigaragara neza kuko ryubatswe mu buryo bugezweho

Isoko Mpuzamipaka rya Kagitumba ryatangiye gukorerwamo

Inzira ijyana amazi mu mirima y'abashoramari bo mu cyanya cy'inganda cya Gabiro Agri Business Hub

Inyubako ikoreramo East African University ni imwe mu igaragaza ubwiza bwa Nyagatare

Inka zitanga umukamo ziri kongerwa mu Karere ka Nyagatare

Imiterere ya Epic Hotel iryoheye ijisho

Imihanda yubatswe muri aka Karere yafashije abaturage

Imirimo yo gutera imyaka mu cyanya cya Gabiro Agri Business Hub irarimbanyije

Imihanda ya Nyagatare nijoro iba yaka

Imihanda myiza yubatswe muri iyi myaka ya vuba yashyizweho amatara yo ku mihanda

Imihanda mishya yubatswe muri Nyagatare yongereye ubwiza bw'uyu mujyi

Imbere y'Ikigo cy'urubyiruko ahari umuhanda ujya Tabagwe

Ikibumbano kiri Ryabega kigaragaza ko ugeze mu Karere karangwamo inka nyinshi

Iki cyanya kiri hafi y'umugezi w'Akagera

Icyuzi gihangano gishyirwamo amazi aba agiye gukwirakwizwa mu mirima yo mu cyanya cya Gabiro Agri Business

Icyanya cya Gabiro Agri Business Hub cyitezweho gufasha u Rwanda mu kongera umusaruro w'ubuhinzi

Ibiro by'Akarere ka Nyagatare byuzuye bitwaye miliyoni 600 Frw

Ibiraro byubatswe mu mirenge itandukanye muri aka Karere aho byagoranaga

Ibiraro byarubatswe bifasha abaturage mu buhahirane

Ibiraro byo mu Kirere na byo byarubatswe

Ibikorwa byo kuhira imyaka byubatswe ku bwinshi cyane cyane muri Kagitumba

Iri bagiro rigezweho ryuzuye ritwaye miliyari 1,5 Frw

Ibagiro rigezweho riri mu Karere ka Nyagatare ryafashije abacuruzi b'inyama kubona inziza

Epic Hotel y'inyenyeri enye ibarizwa mu Karere ka Nyagatare