Ni imikino yabaye kuva tariki ya 28 Kanama kugeza ku ya 8 Nzeri, aho ibihugu 169 kongeraho ikipe yari ihagarariye impunzi, ar ibyo byitabiriye kuri iyi nshuro.

Ni ku nshuro ya mbere Komite y’Imikino y’Abafite Ubumuga ku Isi (IPC) yemeye ko iyi mikino yabera mu Bufaransa mu nshuro 17 imaze kuba.

Abakinnyi 4463 barimo n’Abanyarwanda bakinnye imikino 549 muri siporo zigera kuri 22.

U Bushinwa bukomeje kwandika amateka muri iyi Mikino kuko bwegukanye umwanya wa mbere ku nshuro ya gatandatu yikurikiranya, aho bwasaruyemo imidali 94 ya Zahabu, iya Feza 76 ndetse n’iy’Umuringa 50.

Grande-Bretagne yakomeje kuba ku mwanya wa kabiri ku nshuro ya 10 yikurikiranya nyuma yo kubona imidali 124 irimo 49 ya Zahabu.

Abakinnyi babiri muri iyi mikino ni bo baciye uduhigo kuko Umunya-Nigeria Folashade Oluwafemiayo yakoze amateka yo kuba ari we mukinnyi uterura ibiremereye ku Isi muri iyi Mikino kuko yegukanye umudali wa Zahabu amaze kuzamura ibilo 167.

Undi ni Umunya-Maroc Fatima Ezzahra El Idrissi wabashije kwiruka Marathon mu bagore asoza akoresheje amasaha abiri, iminota 48 n’amasegonda 36.

Imikino Paralempike ikurikiraho iteganyijwe kuba mu 2028, ikazabera mu Mujyi wa Los Angeles wo muri Leta Zunze Ubumwe za Amerika.

Abatuye i Paris bari biteguye ibirori

Urumuri rw'Imikino Paralempike rwari rumaze iminsi rugaragara mu Bufaransa

Imyiteguro yari yose mbere yo gutangira ibirori byo gusoza Imikino Paralempike

U Bwongereza buzakira Imikino Paralempike ya 2028

Abafaransa bishimiye kwakira Imikino Paralempike ku nshuro ya mbere

Ibihugu birenga 150 ni byo byitabiriye

Imikino Paralempike isanzwe iba rimwe mu myaka ine

Abakinnyi bahagarariye u Buyapani mu Mikino Paralempike

U Budage buri mu bihugu byitabiriye

Leta Zunze Ubumwe za Amerika zacyuye umwanya wa gatatu

Abakinnyi batoranyijwe ngo batware ibendera ry'u Bufaransa

Ibendera ry'ikirango cy'Imikino Paralempike rimaze kugera ahabereye ibirori

Abahanga mu kuvanga imiziki bari basusurukije abakunzi b'imikino itandukanye y'abafite ubumuga

Umuziki uri mu byaranze ibirori byo gusoza Imikino Paralempike

Byari ibirori by'akataraboneka

Imikino Paralempike yaberaga mu Bufaransa yasojwe ku mugaragaro

Wari umunsi udasanzwe mu mateka y'u Bufaransa

Imbyino zinyuranye ziri mu byasusurukije abitabiriye

Abafana bari benshi muri Stade de France

Stade de France ni yo yabereyeho umuhango wo gusoza imikino

Abakinnyi bandikiye amateka muri iyi mikino

Uko ibihugu byakurikiranye mu kwegukana imidali myinshi

U Bufaransa bwashimiye abagize uruhare mu itegurwa ry'imikino